तमिमला ‘भारताचा एजंट’ म्हणणं भोवलं; खेळाडूंच्या एकजुटीपुढं बांगलादेश बोर्ड झुकलं, संचालकाची हकालपट्टी!

🕒 1 min read

मुंबई – मैदानात अंपायर्स आणि मॅच रेफरी उभे आहेत, प्रेक्षक वाट बघतायत, पण टॉससाठी दोन्ही टीमचे कॅप्टन यायलाच तयार नाहीत… हे दृश्य एखाद्या गल्ली क्रिकेटमधलं नाही, तर बांगलादेश प्रीमिअर लीग (BPL) च्या पहिल्याच मॅचमधलं आहे. खेळाडू आणि बोर्डातला वाद शिगेला पोहोचल्याचं हे जिवंत उदाहरण होतं. अखेर खेळाडूंच्या या आक्रमक पवित्र्यापुढं बांगलादेश बोर्डाला (Bangladesh Cricket Board) नमतं घ्यावं लागलंय.

बांगलादेशचा माजी कॅप्टन तमिम इक्बाल (Tamim Iqbal) याने भारतासोबतचा वाद चर्चेतून सोडवावा, असा सल्ला दिला होता. पण हा सल्ला बीसीबीचे संचालक नजमूल इस्लाम यांच्या पचनी पडला नाही. त्यांनी तमिमला थेट ‘भारताचा एजंट’ म्हणून हिणवलं. या विधानामुळे बांगलादेशच्या क्रिकेट वर्तुळात मोठी खळबळ उडाली. आपल्याच माजी कॅप्टनचा हा अपमान खेळाडूंच्या जिव्हारी लागला.

Bangladesh Cricket Board

त्यामुळेच खेळाडूंची संघटना ‘क्रिकेटर्स वेलफेअर असोसिएशन’ने आक्रमक भूमिका घेतली. जोपर्यंत नजमूल इस्लाम यांचा राजीनामा घेतला जात नाही, तोपर्यंत कोणत्याही फॉरमॅटमध्ये खेळणार नाही, असा इशाराच त्यांनी दिला. याचा फटका BPL च्या पहिल्याच मॅचला बसला. काल नौखाली एक्सप्रेस आणि चट्टोग्राम रॉयल्स यांच्यात सामना होणार होता, पण खेळाडूंनी बहिष्कार टाकल्याने टॉस सुद्धा होऊ शकला नाही.

खेळाडूंचा हा रुद्रावतार पाहून बीसीबीला तातडीने हालचाली कराव्या लागल्या. सूत्रांनी दिलेल्या माहितीनुसार, बोर्डाचे अध्यक्ष फारुक अहमद यांनी घटनेचं गांभीर्य ओळखून नजमूल इस्लाम यांची फायनान्स कमिटीच्या चेअरमनपदावरून हकालपट्टी केली आहे. बीसीबीच्या संविधानातील ‘कलम ३१’ अन्वये ही कारवाई करण्यात आली असून, आता हा कार्यभार स्वतः अध्यक्षांकडे असणार आहे.

बोर्डाने काढलेल्या पत्रकात स्पष्ट म्हटलंय की, “खेळाडूंचा सन्मान ही आमची प्राथमिकता आहे.” आता नजमूल यांना पदावरून हटवल्यानंतर खेळाडू पुन्हा मैदानात उतरणार का आणि लीग सुरळीत होणार का, याकडे सर्वांचं लक्ष लागलंय.

📌 महत्वाच्या बातम्या

• Kuldeep Yadav: १० ओव्हरमध्ये ८२ धावांची कुटाई, पण चहलने एका वाक्यात टीकाकारांची बोलती बंद केली!
• Mahesh Zagade: ‘लोकशाहीचा बट्ट्याबोळ…’, माजी IAS अधिकाऱ्याचं नावच यादीतून गायब!
• Aamir Khan: ‘हिंदीत का बोलू? हा महाराष्ट्र आहे…’ आमिरच्या एका वाक्याने जिंकली मुंबईकरांची मनं!

📈 लोकप्रिय बातम्या

रोहित पवारांना सुप्रीम कोर्टाचा ‘धक्का’; भर कोर्टात न्यायाधीशांनी झापलं, विचारला ‘हा’ जाब!

अजितदादांच्या आठवणीत गौतमी पाटील भावूक; दादांच्या ‘त्या’ दोन शब्दांनी जिंकलं होतं मन!

ट्रम्प यांच्या एका निर्णयाने भारतात खळबळ; सोने-चांदीच्या भावात मोठी उसळी, चांदी थेट अडीच लाखांवर!