🕒 1 min read
मुंबई – ‘मराठी विरुद्ध हिंदी’ असा राजकीय वाद पेटला असतानाच, एका बॉलिवूड सुपरस्टारने घेतलेल्या भूमिकेमुळे सर्वांच्याच भुवया उंचावल्या आहेत. एरवी बॉलिवूड कलाकार हिंदी किंवा इंग्रजीतून प्रतिक्रिया देतात, पण मिस्टर परफेक्शनिस्ट आमिर खानने (Aamir Khan) जे उत्तर दिलंय, त्यामुळे ‘राजकारण तापलं’ असतानाच एक सुखद धक्का बसला आहे.
झाले असे की, मुंबईसह राज्यातील इतर महापालिकांसाठी आज मतदान पार पडले. सामान्य मुंबईकरांप्रमाणेच सेलिब्रिटींनीही रांगेत उभे राहून मतदानाचा हक्क बजावला. यातच अभिनेता Aamir Khan जेव्हा मतदान करून बाहेर आला, तेव्हा मीडियाने त्याला गराडा घातला. आमिरने अतिशय नम्रपणे मराठीतून संवाद साधत, ‘नक्की या आणि वोट द्या,’ असे आवाहन मुंबईकरांना केले.
पत्रकाराच्या प्रश्नावर Aamir Khan चे रोखठोक उत्तर
आमिर खान मराठीत बोलत असल्याचे पाहून एका पत्रकाराने त्याला ‘हीच प्रतिक्रिया हिंदीत द्या,’ अशी विनंती केली. यावर आमिरने क्षणाचाही विलंब न लावता जे उत्तर दिले, त्याने उपस्थितांची मनं जिंकली. आमिर स्पष्ट शब्दांत म्हणाला, “हिंदीत का बोलू? हा महाराष्ट्र आहे…” त्याच्या या उत्तराचा व्हिडिओ सध्या सोशल मीडियावर तुफान व्हायरल होत आहे.
पत्रकारांनी जेव्हा समजावून सांगितले की, ही बातमी दिल्ली आणि राष्ट्रीय स्तरावरही दाखवली जाईल, तेव्हा आमिरने हिंदीत प्रतिक्रिया दिली. “इथे महापालिकेने खूप चांगली व्यवस्था केली आहे,” असे तो नंतर म्हणाला. पण त्याची पहिली प्रतिक्रिया मात्र नेटकऱ्यांच्या पसंतीस उतरली आहे.
एकीकडे भाजप नेते कृपाशंकर सिंह यांनी ‘मुंबईचा महापौर हिंदी भाषिकच होईल’ असे वक्तव्य करून वादाला तोंड फोडले होते. दुसरीकडे, याच मराठीच्या मुद्द्यावरून उद्धव ठाकरे आणि राज ठाकरे यांच्यात जवळीक वाढल्याच्या चर्चा आहेत. अशातच आमिर खानसारख्या (Aamir Khan) बड्या अभिनेत्याने ‘हा महाराष्ट्र आहे’ म्हणत मराठी भाषेचा केलेला सन्मान, राजकीय वर्तुळातही चर्चेचा विषय ठरला आहे.
.. #Amirkhan casted his #vote#BMC #BMCElection2026 pic.twitter.com/GdqT14ubNZ
— Priya Pandey (@priyapandey1999) January 15, 2026
📌 महत्वाच्या बातम्या
- ‘इंटरनॅशनल’ स्कूलबाहेर कचऱ्याचा ढीग पाहून शशांक केतकरचा तिळपापड; म्हणाला, ‘उद्या कोणीही निवडून येऊ दे…’
- IND vs NZ: तिसरा सामना रद्द होणार? इंदूरमध्ये पावसाची शक्यता किती? हवामान खात्याचा मोठा अपडेट
- माझ्या बाबांवर कर्जाचं ओझं….; मतदानानंतर तरुणीने भररस्त्यात धरले पाय, अक्षयने जे केलं ते पाहून…
बातम्यांसाठी YouTube चॅनेल Subscribe करा
Subscribe Now
