परभणी, 17 ऑक्टोबर: मराठवाडा पदवीधर मतदारसंघाच्या निवडणुकीवरून राजकीय घडामोडींना वेग आला आहे. याच पार्श्वभूमीवर ठाकरे गटाचे नेते अंबादास दानवे यांनी सत्ताधारी महायुतीवर, विशेषतः राष्ट्रवादी काँग्रेस आणि शिंदेसेनेवर जोरदार टीका केली आहे. "सध्याच्या राज्य सरकारमध्ये राष्ट्रवादी आणि शिंदेसेनेला कोणताही मान नाही, तसेच त्यांना बोलण्याची मुभाही उरलेली नाही. भाजपकडून जे दिले जाईल, तेच त्यांना निमूटपणे घ्यावे लागते," असा टोला दानवे यांनी लगावला. परभणीत शिवसेनेच्या उमेदवाराच्या प्रचारार्थ आयोजित बैठकीनंतर ते पत्रकारांशी बोलत होते.
गेल्या काही दिवसांपासून पदवीधर आणि शिक्षक मतदारसंघाच्या निवडणुकीवरून महायुतीत बेबनाव असल्याची चर्चा होती. अमरावती शिक्षक मतदारसंघात राष्ट्रवादीच्या उमेदवाराने बंडखोरी केल्याने, शिंदेसेनेने छत्रपती संभाजीनगरमधील राष्ट्रवादीचे उमेदवार सतीश चव्हाण यांचा पाठिंबा काढला होता. मात्र, त्यानंतर पालकमंत्री संजय शिरसाट यांनी पत्रकार परिषद घेत महायुती एकत्र असल्याचे स्पष्ट केले. याच राजकीय घडामोडींवरून अंबादास दानवे यांनी सत्ताधाऱ्यांना लक्ष्य केले. तसेच, राष्ट्रवादीने अर्थखाते मागितल्याच्या मुद्द्यावर बोलताना त्यांनी सुनील तटकरे यांचा उल्लेख 'मॅनेज लीडर' असा केला. तटकरे कधी भाजपमध्ये जातील याचा भरवसा नसल्याचेही ते म्हणाले.
कॉकरोच जनता पार्टीचे संस्थापक अभिजीत दीपके यांच्या 'लहरा दो तिरंगा' आंदोलनावरूनही दानवे यांनी राज्य सरकारला धारेवर धरले. "भाजपने तिरंगा रॅली काढली तर ती देशभक्ती ठरते, आणि अभिजीत दिपके यांनी 'तिरंगा लेके चलो' म्हटले तर ते देशद्रोही कसे होतात?" असा सवाल त्यांनी उपस्थित केला. इंग्रजांच्या काळात तिरंगा फडकवणे जसा गुन्हा होता, तशीच परिस्थिती आता भाजपच्या काळात निर्माण झाल्याचा गंभीर आरोप दानवे यांनी केला. तसेच, दीपके तिरंगा घेऊन जात असतील तर समस्त देशवासीयांना त्यांच्याबद्दल अभिमान असल्याचेही ते म्हणाले.
विधान परिषदेच्या उपसभापतींचे अधिकार कमी करण्याच्या मुद्द्यावरही दानवे यांनी भाष्य केले. उपसभापती आणि सभापती हे वैयक्तिक हेवेदावे आणि दडपशाही करण्यासाठी बैठका घेत असत, असे ते म्हणाले. त्यांचे अधिकार कमी करण्यात येऊ नयेत, मात्र त्यांनीही अशा पद्धतीने बैठका घेऊ नयेत, असे मत अंबादास दानवे यांनी व्यक्त केले.
📌 महत्वाच्या बातम्या
- मजबुरी का नाम मंगेश चिवटे, उपमुख्यमंत्रीपदाची ऑफर आल्यास उदय सामंत भाजपात जातील: सुषमा अंधारेंचा दावा
- पाकिस्तानी खेळाडूंना हवाय ‘क’ श्रेणीचा करार; PCB च्या नव्या बदलांमुळे NOC ची गरज संपुष्टात येणार
- भाजपचा एकनाथ शिंदेंना मोठा धक्का; मंगळवेढ्यात ५ नगरसेवकांसह २०० पदाधिकारी फोडले
Quick Answers
सध्याच्या राज्य सरकारमध्ये राष्ट्रवादी आणि शिंदेसेनेला कोणताही मान नाही तसेच बोलण्याची मुभाही उरलेली नाही, भाजपकडून जे दिले जाईल तेच त्यांना निमूटपणे घ्यावे लागते, असा टोला अंबादास दानवे यांनी लगावला.
अमरावती शिक्षक मतदारसंघात राष्ट्रवादीच्या उमेदवाराने बंडखोरी केल्यामुळे शिंदेसेनेने छत्रपती संभाजीनगरमधील राष्ट्रवादीचे उमेदवार सतीश चव्हाण यांचा पाठिंबा काढला होता.
दानवे यांनी सुनील तटकरे यांचा उल्लेख 'मॅनेज लीडर' असा केला आणि ते कधी भाजपमध्ये जातील याचा भरवसा नसल्याचे म्हटले.
उपसभापतींचे अधिकार कमी करण्यात येऊ नयेत, मात्र त्यांनी वैयक्तिक हेवेदावे आणि दडपशाही करण्यासाठी अशा पद्धतीने बैठका घेऊ नयेत, असे मत दानवे यांनी व्यक्त केले.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
