आलिया भट्टच्या ट्रोलिंगवर महेश भट्टांनी सोडलं मौन, म्हणाले “मी बचाव केला तर……”

तुमच्या मुलांवर सतत कुणीतरी ऑनलाइन टीका करत असेल, तर एक पालक म्हणून तुम्ही काय कराल? साहजिकच तुम्ही त्यांच्या बचावासाठी लगेच धावून जाल. पण बॉलिवूडचे प्रसिद्ध आणि तितकेच वादग्रस्त दिग्दर्शक महेश भट्ट यांनी मात्र यावर अगदी वेगळी भूमिका घेतली आहे.

त्यांची मुलगी आणि आघाडीची अभिनेत्री आलिया भट्टला (Alia Bhatt) सोशल मीडियावर वारंवार ट्रोलिंगचा सामना करावा लागतो. या सततच्या ट्रोलिंगवर आता महेश भट्ट (Mahesh Bhatt) यांनी उघडपणे भाष्य केलं आहे.

Alia Bhatt Trolling

‘हिंदुस्तान टाइम्स’ला दिलेल्या एका मुलाखतीत महेश भट्ट यांनी हा मोठा खुलासा केला. मुलांना यशाचे आणि टिकेचे दोन्ही चटके स्वतः सोसू द्यावेत, असं त्यांचं स्पष्ट मत आहे.

“मी माझ्या मुलांना कधीच सल्ले देत नाही. आजची मुलं आपल्यापेक्षा जास्त हुशार आहेत. परिस्थिती हाच त्यांचा खरा शिक्षक आहे,” असं भट्ट यांनी स्पष्ट केलं. आलियावर होणाऱ्या टीकेवर बोलताना त्यांनी अगदी रोकठोक मत मांडलं.

“जेव्हा माझ्या मुलांवर टीका होते, तेव्हा मी त्यांची ढाल बनत नाही. जर मी त्यांना नेहमी पाठीशी घातलं, तर ती अपंग बनतील. त्यांना स्वतःचे विषय स्वतः हाताळू दे,” असा परखड विचार त्यांनी मांडला.

प्रसिद्धीची एक मोठी किंमत मोजावी लागते, हेही त्यांनी आवर्जून सांगितलं. “तुम्ही सूर्यासमोर उभे राहिलात, तर साहजिकच तुम्हाला चटके बसणार. माझा आणि मुलांचा प्रवास वेगळा आहे. त्यामुळे माझे जुने अनुभव मी त्यांच्यावर लादत नाही,” असं म्हणत त्यांनी आजच्या पालकांनाही एक वेगळा विचार दिला आहे.

📌 महत्वाच्या बातम्या

• Gold Price Today: अमेरिकेच्या Jobs Report मुळे सोन्याच्या दरात मोठी तेजी; आता गुंतवणूक करावी का?
• सरकारने हाफकिन संस्थेला 150 कोटींचा निधी द्यावा; विजय वडेट्टीवार यांची विधानसभेत मागणी
• महावितरणमधील ‘कंत्राटी गुलामी’वर डॉ. नितीन राऊत आक्रमक