अर्णब, मुरासूनंतर आता ‘अकवान’ चक्रीवादळाचे संकट; विदर्भासह ‘या’ राज्यांना मुसळधार पावसाचा इशारा

बंगालच्या उपसागरात तयार झालेले ‘अकवान’ चक्रीवादळ अतितीव्र होणार असून, ओडिशामध्ये मोठा फटका बसण्याची शक्यता आहे. विदर्भातही मुसळधार पावसाचा अंदाज आहे.

Published On: 

Akban cyclone threat weather change and rain forecast in Maharashtra

प्रतिनिधी, 18 नोव्हेंबर: महाराष्ट्रात सध्या पावसाने ओढ दिल्याने दुष्काळसदृश स्थिती निर्माण झाली आहे. मात्र, आता हवामानात मोठे बदल होत असून अवघ्या १५ दिवसांत देशावर तिसऱ्या चक्रीवादळाचे संकट उभे राहिले आहे. ऑक्टोबरअखेरीस आंध्र प्रदेश किनारपट्टीवर ‘अर्णब’ आणि त्यानंतर ‘मुरासू’ चक्रीवादळाचा तडाखा बसल्यानंतर, आता बंगालच्या उपसागरात ‘अकवान’ नावाचे नवे चक्रीवादळ तयार झाले आहे.

भारतीय हवामान विभागाच्या माहितीनुसार, बंगालच्या उपसागरात वेगाने पुढे सरकणारे ‘अकवान’ वादळ १७ नोव्हेंबरच्या संध्याकाळपर्यंत तीव्र रूप धारण करेल. त्यानंतर १९ नोव्हेंबरपर्यंत त्याचे रुपांतर ‘अतितीव्र’ चक्रीवादळात होण्याची शक्यता आहे. हवामान विभागाचे महासंचालक मृत्यूंजय महापात्रा यांनी दिलेल्या माहितीनुसार, या वादळाचा सर्वाधिक फटका ओडिशा राज्याला बसण्याचा प्राथमिक अंदाज आहे.

हे चक्रीवादळ २० नोव्हेंबर २०२६ रोजी दुपारच्या सुमारास आंध्र प्रदेश आणि यानम दरम्यान नेल्लोर ते तुनी या किनारपट्टीवर धडकण्याची शक्यता आहे. यादरम्यान वाऱ्याचा वेग ताशी १२० ते १३० किलोमीटर असेल, तर वाऱ्याचे झोत ताशी १४५ किलोमीटरपर्यंत पोहोचू शकतात. देशातील इतर राज्यांमध्येही यामुळे मुसळधार पावसाची शक्यता वर्तवण्यात आली आहे.

तामिळनाडू, पुदुचेरी आणि कराईकलमध्ये १७ ते २० नोव्हेंबर दरम्यान पावसाची शक्यता असून १८ आणि १९ नोव्हेंबरला अतिमुसळधार पाऊस पडेल. किनारपट्टीवरील आंध्र प्रदेशात १८ नोव्हेंबरपासून पाऊस सुरू होईल आणि १९ व २० नोव्हेंबरला काही भागात अतिवृष्टीचा इशारा देण्यात आला आहे. ओडिशामध्ये १८ ते २१ नोव्हेंबरदरम्यान पावसाची हजेरी असेल, तर १९ ते २१ नोव्हेंबरला अतिमुसळधार पाऊस पडेल.

रायलसीमा भागातही १९ आणि २० नोव्हेंबरला मुसळधार पावसाचा अंदाज आहे. तेलंगणाच्या पूर्व भागात २० नोव्हेंबरला अतिमुसळधार, तर २१ नोव्हेंबरला मुसळधार पाऊस होईल. छत्तीसगडमध्ये २० नोव्हेंबरला दक्षिणेकडे आणि २१ नोव्हेंबरला उत्तरेकडे मुसळधार पाऊस पडेल. पश्चिम बंगालमध्ये १९-२० नोव्हेंबरला आणि झारखंडमध्ये २०-२१ नोव्हेंबरला काही ठिकाणी मुसळधार पावसाची शक्यता आहे.

या वादळाचा महाराष्ट्रावरही काही अंशी परिणाम होणार आहे. राज्यात केवळ विदर्भामध्ये या चक्रीवादळाचा थोडाफार प्रभाव दिसून येण्याची शक्यता असून, २१ नोव्हेंबर रोजी विदर्भात काही ठिकाणी मुसळधार पाऊस कोसळू शकतो, असा अंदाज हवामान विभागाने वर्तवला आहे.

📌 महत्वाच्या बातम्या

MHD News

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही