वर्ल्ड कपच्या धामधुमीत टीम इंडियासाठी (Team India) एक आनंदाची आणि एक चिंतेची बातमी एकाच वेळी समोर आली आहे, असं म्हटलं तर वावगं ठरणार नाही. कारण, पोटात संसर्ग झाल्याने थेट रुग्णालयात दाखल झालेला स्टार ओपनर अभिषेक शर्मा (Abhishek Sharma) आता कसा आहे? तो नामिबियाविरुद्ध मैदानात उतरणार की नाही? या प्रश्नांनी चाहत्यांचा जीव टांगणीला लावला होता. आता खुद्द तिलक वर्मानं (Tilak Varma) याबाबत मोठी अपडेट दिली आहे.
दिल्लीत पोहोचताच अभिषेक शर्माची तब्येत बिघडल्याने त्याला तातडीने रुग्णालयात दाखल करण्यात आलं होतं. सुदैवाने, त्याला आता रुग्णालयातून डिस्चार्ज देण्यात आला आहे, ही भारतीय चाहत्यांसाठी मोठी ‘गुड न्यूज’ आहे. अमेरिकेविरुद्धच्या सामन्यानंतर त्याला पोटाचा त्रास जाणवत होता. मात्र, डिस्चार्ज मिळाला असला तरी ‘पिक्चर अजून बाकी आहे’.
Abhishek Sharma Health Update
अभिषेक १२ फेब्रुवारीला होणाऱ्या नामिबियाविरुद्धच्या सामन्यात (Ind vs Namibia) खेळणार की नाही, हे अजूनही गुलदस्त्यातच आहे. तिलक वर्मानं स्पष्ट केलंय की, “मॅचच्या वेळीच अभिषेकच्या फिटनेसची अंतिम चाचपणी होईल आणि त्यानंतरच निर्णय घेतला जाईल.” म्हणजेच, अभिषेक पूर्णपणे फिट नसल्यास टीम इंडियाला ‘प्लॅन बी’ वापरावा लागेल.
जर अभिषेक शर्मा अनफिट ठरला, तर संजू सॅमसनला (Sanju Samson) संधी मिळण्याची दाट शक्यता आहे. संजूने नेट्समध्ये (Nets) जोरदार सराव केल्याचंही दिसून आलंय. अभिषेकने अमेरिकेविरुद्धच्या मॅचमध्ये पहिल्याच बॉलवर विकेट गमावली होती, त्यात आता आजारपण. त्यामुळे दिल्लीच्या अरुण जेटली स्टेडियमवर (Arun Jaitley Stadium) होणाऱ्या या लढतीत रोहित शर्मा आणि कंपनी काय निर्णय घेते, याकडे सर्वांचं लक्ष लागलंय.
📌 महत्वाच्या बातम्या
- श्रेयस तळपदे अडचणीत, फसवणुकीचा गुन्हा दाखल; आता थेट अटक होणार?
- सचिनच्या घरात सनई-चौघडे; थेट मोदींना दिलं लग्नाचं आवतन, पण ‘ती’ करोडपती सून आहे तरी कोण?
- ‘मागच्या जन्माची कर्म असतात…’; प्रेमाबद्दल काय म्हणाली प्राजक्ता माळी? ऐकून तुम्हीही व्हाल थक्क!
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
