प्रतिनिधी, 14 नोव्हेंबर: अजित पवार यांच्या अपघातामागे घातपात असल्याच्या संशयाला एका नव्या पोस्टरमुळे पुन्हा एकदा उधाण आले आहे. यशवंतराव चव्हाण सेंटरबाहेर हे रहस्यमय पोस्टर झळकले असून राजकीय वर्तुळात याची मोठी चर्चा सुरू झाली आहे. “अजितदादांच्या अपघात / घातपातामागे असलेल्यांना वाचवणारा नेता कोण?” असा थेट प्रश्न या पोस्टरमधून विचारण्यात आला आहे.
विशेष म्हणजे या पोस्टरवर कुणाच्याही नावाचा उल्लेख करण्यात आलेला नाही, मात्र त्यावर एका मफलरची प्रतिकृती छापण्यात आली आहे. या पोस्टरच्या माध्यमातून १६ नोव्हेंबर रोजी दुपारी ४ वाजता यशवंतराव चव्हाण सेंटर येथे नेमकं काय घडणार आणि कोणता राजकीय बॉम्ब फुटणार, याकडे आता सर्वांचे लक्ष लागले आहे.
यापूर्वी राष्ट्रवादी काँग्रेस शरदचंद्र पवार पक्षाचे नेते रोहित पवार यांनी अजित पवारांच्या अपघात प्रकरणी ‘व्हीएसआर’ (VSR) कंपनीला वाचवणारा ‘मफलरवाला नेता’ कोण, असा सवाल उपस्थित केला होता. त्यावेळी हा नेता अरविंद केजरीवाल किंवा छगन भुजबळ नसून दुसराच कोणीतरी असल्याचे त्यांनी स्पष्ट केले होते. तसेच, १० ऑक्टोबर रोजी या नेत्याचे नाव जाहीर करून पर्दाफाश करणार असल्याचा इशाराही त्यांनी दिला होता.
रोहित पवार यांच्या याच जुन्या वक्तव्याचा संदर्भ घेत आता चव्हाण सेंटरबाहेर झळकलेल्या या पोस्टरमागे त्यांचीच भूमिका असावी, असा तर्क लावला जात आहे. मात्र, हे पोस्टर रोहित पवार यांच्या माध्यमातूनच लावले गेल्याची कोणतीही अधिकृत माहिती अद्याप समोर आलेली नाही. त्यामुळे या रहस्यमय पोस्टरमागे नेमकं कोण आहे, याबाबतचे गूढ अजूनही कायम आहे.
📌 महत्वाच्या बातम्या
- १६ तारखेला राजकीय बॉम्ब फुटणार? अजितदादांच्या अपघातामागील लोकांना वाचवणारा मफलरवाला नेता कोण? पोस्टरने उडाली खळबळ
- उस्मान ख्वाजाच्या ‘सँडपेपरगेट’ दाव्यांवर पॅट कमिन्सने सोडले मौन; आरोप ‘पूर्णपणे बकवास’ असल्याचे मत
- रोहित शर्मा आणि इशान किशनच्या चुकीमुळे विल यंगला दोन जीवदान, आकिब नबी संतापला
