अजित पवार गटाचे २२ आमदार बाहेर पडणार? संजय राऊतांचा मोठा दावा

प्रतिनिधी, 12 नोव्हेंबर: महाराष्ट्राच्या राजकारणात सध्या राष्ट्रवादी काँग्रेसच्या अनुषंगाने मोठ्या घडामोडी पाहायला मिळत आहेत. शिवसेना (उद्धव बाळासाहेब ठाकरे) पक्षाचे नेते संजय राऊत यांनी एक खळबळजनक दावा केला आहे. अजित पवार यांच्या नेतृत्वाखालील राष्ट्रवादी काँग्रेस पक्षातील २० ते २२ आमदार लवकरच बाहेर पडतील, असे राऊत यांनी म्हटले आहे. हे आमदार निवडणुकीपूर्वी एकतर त्यांच्या मूळ पक्षात परततील किंवा इतर एखाद्या पक्षात प्रवेश करतील, असा दावा त्यांनी केला आहे.

संजय राऊत यांच्या या दाव्यानंतर राजकीय वर्तुळात चर्चा सुरू असतानाच, शरद पवार यांच्या ‘सिल्व्हर ओक’ या निवासस्थानी बैठकांचे सत्र सुरू झाले आहे. जयंत पाटील आणि अमोल कोल्हे यांनी नुकतीच शरद पवार यांची भेट घेतली. या नेत्यांमध्ये सुमारे तासभर विविध विषयांवर चर्चा झाली. विशेष म्हणजे, अजित पवार गटातील काही आमदारांनीही शरद पवार यांना भेटण्यासाठी वेळ मागितल्याची माहिती सूत्रांकडून देण्यात आली आहे.

या सर्व वेगवान राजकीय घडामोडींमुळे राष्ट्रवादी काँग्रेसमधील अंतर्गत स्थिती आणि भविष्यातील राजकीय समीकरणांविषयी चर्चा रंगली आहे. दुसरीकडे, सुनेत्रा पवार आज सकाळी ११ वाजता एक पत्रकार परिषद घेणार आहेत. या पत्रकार परिषदेत त्या काय बोलणार, याकडे आता सर्वांचे लक्ष लागले आहे.

📌 महत्वाच्या बातम्या

• HDFC बँकेचा कर्जदारांना धक्का; MCLR दरांमध्ये वाढ, EMI महागणार
• राष्ट्रवादीच्या विलिनीकरणाला सुनेत्रा पवारांचाच विरोध; नियंत्रण जाण्याच्या भीतीने प्रक्रिया थांबली
• वादळी मुलाखतीनंतर उस्मान ख्वाजाच्या ‘सबर’ पुस्तक दौऱ्यात बदल