प्रतिनिधी, 12 नोव्हेंबर: मध्य प्रदेश आणि महाराष्ट्र सीमेवर नागपूरजवळील पेंच अभयारण्य परिसरात एका कारचा भीषण अपघात झाला आहे. या अपघातात एका तरुणाचा जागीच मृत्यू झाला असून इतर पाच जण गंभीर जखमी झाले आहेत. अपघातग्रस्त गाडी भाजप आमदार परिणय फुके यांच्या मालकीची असून अपघाताच्या वेळी त्यांचा मुलगा मद्यधुंद अवस्थेत गाडी चालवत असल्याचा गंभीर आरोप काँग्रेसचे प्रदेशाध्यक्ष हर्षवर्धन सपकाळ यांनी केला आहे.
या घटनेवरून सपकाळ यांनी राज्य सरकारला धारेवर धरले आहे. एका निष्पाप तरुणाचा बळी गेला असून, राजकीय दबावापोटी किंवा सत्तेचा वापर करून हे प्रकरण दडपण्याचा प्रयत्न अजिबात खपवून घेतला जाणार नाही, असा इशारा त्यांनी दिला. आमदाराचा मुलगा असल्याने त्याला कायद्यापासून संरक्षण मिळणार नाही, हे मुख्यमंत्र्यांनी सिद्ध करून दाखवावे. या प्रकरणाची निष्पक्ष चौकशी करून दोषींवर कठोर कारवाई व्हावी, अशी मागणी सपकाळ यांनी ट्विटद्वारे केली आहे.
दुसरीकडे, शिवसेना ठाकरे गटाच्या नेत्या सुषमा अंधारे यांनीही या अपघाताबाबत खळबळजनक दावे केले आहेत. त्यांनी दिलेल्या माहितीनुसार, या भरधाव कारने चेक पोस्ट उडवून दिले आणि त्यानंतर ती उलटली. या गाडीत आमदार फुके यांच्या मुलासह पाच ते सहा तरुण-तरुणी होते, असेही त्यांनी म्हटले आहे. सत्तेची ताकद वापरून हे अपघात प्रकरण दाबण्याचा प्रयत्न सुरू असल्याचा आरोप अंधारे यांनी केल्यामुळे आता राजकीय वातावरण आणखी तापण्याची चिन्हे आहेत.
📌 महत्वाच्या बातम्या
- भारत विरुद्ध न्यूझीलंड चौथा एकदिवसीय सामना: खेळपट्टी, हवामान आणि संभाव्य प्लेइंग 11
- ‘ते वाक्य रागाच्या भरात बोलून गेलो’; गोकुळमध्ये सत्ता येताच हसन मुश्रीफांना उपरती
- सराव सत्रात अर्शदीप सिंगने बाद केल्यानंतर विराट कोहली संतापला
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
