प्रतिनिधी, 31 ऑक्टोबर: ठाकरे बंधू आणि देवेंद्र फडणवीस यांच्यात झालेल्या भेटीनंतर राजकीय वर्तुळात नव्या समीकरणांची चर्चा रंगली आहे. यावर आता शिवसेना शिंदे गटाचे मंत्री संजय शिरसाट यांनी पहिली प्रतिक्रिया देत भाजपला खडे बोल सुनावले आहेत. २०१९ नंतरच्या घडामोडींनंतर आम्ही उठाव केला नसता, तर भाजप सत्तेत आली नसती, असे शिरसाट (Sanjay Shirsat) यांनी स्पष्ट केले.
ठाकरे बंधू आणि फडणवीस एकत्र आले म्हणजे लगेच नवी राजकीय समीकरणे उदयास येतील, असे मानणे चुकीचे आहे. नेते एकमेकांच्या भेटीगाठी घेत असतात. आशिष शेलार आणि राज ठाकरे यांच्यात काही बोलणे झाले आहे का, हे पाहणे अधिक महत्त्वाचे असल्याचे शिरसाट म्हणाले.
दरम्यान, नवनाथ बन यांच्यावरही शिरसाट यांनी निशाणा साधला. नवनाथ बन यांनी आपली पातळी ओळखून टीका करावी, अन्यथा याला फडणवीस यांची मान्यता आहे का, असा सवाल आम्हीही उपस्थित करू शकतो, असा इशारा त्यांनी दिला. तसेच, आगामी तीन महिन्यांत राज्यात मोठ्या घडामोडी घडतील, असेही त्यांनी सांगितले.
एकनाथ शिंदे हे पुन्हा मुख्यमंत्री व्हावेत यासाठी बरीच चर्चा सुरू असल्याचे शिरसाट यांनी नमूद केले. ते एक ‘कॉमन मॅन’ आहेत. पूर्णेकर हत्याकांड प्रकरणात शिंदे यांना टार्गेट केले जात असून, त्यांच्या कामाच्या पद्धतीमुळे त्यांना अडकवण्याचा प्रयत्न सुरू आहे, मात्र त्यात त्यांना यश येणार नाही. तसेच, आमच्यात कोणतीही धुसफूस नसून सर्व काही आलबेल असल्याचा दावा मंत्री शिरसाट यांनी केला आहे.
📌 महत्वाच्या बातम्या
- स्मृती मंधानाचा खुलासा: वर्ल्ड कप विजयानंतर धोनीने पाठवला होता खास व्हॉट्सॲप मेसेज
- शेतकऱ्यांबाबतच्या विधानावरून एकनाथ शिंदे संतापले; आमदार संजय गायकवाड यांच्यावर निलंबनाची कारवाई होण्याची शक्यता
- “तुझी लायकी किती तू बोलतो किती!” नवनाथ बन यांच्या आरोपांनंतर निलेश राणे आक्रमक; महायुतीत वाद
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
