प्रतिनिधी, 14 ऑक्टोबर: पुणे विधानपरिषद निवडणुकीतील नाट्यमय घडामोडींनंतर उपमुख्यमंत्री एकनाथ शिंदे नाराज असल्याच्या चर्चा राजकीय वर्तुळात रंगल्या आहेत. यावर देवेंद्र फडणवीस यांनी मिश्कील शब्दांत भाष्य करत या चर्चा फेटाळून लावल्या आहेत. माध्यमांशी बोलताना फडणवीस म्हणाले की, शिंदेसाहेब अजिबात नाराज नसून तुम्हीच सर्वजण नाराज आहात, त्यामुळे त्यांच्याबाबत विनाकारण अफवा पसरवू नका.
पुण्यातील दोन जागांसाठी भाजप आणि शिंदेसेनेत संघर्ष पाहायला मिळाला होता. शिंदे गटाकडून मंगेश चिवटे यांनी उमेदवारी अर्ज दाखल केला होता, तर भाजपनेही आपला अधिकृत उमेदवार उभा केला होता. मात्र, नंतर चिवटे यांनी आपला अर्ज मागे घेतल्याने एकनाथ शिंदे नाराज झाल्याची चर्चा सुरू झाली होती. यावर आज पार पडलेल्या एका बैठकीनंतर देवेंद्र फडणवीस यांनी हे स्पष्टीकरण दिले.
याशिवाय फडणवीस यांनी पुण्यासाठी एका मोठ्या निर्णयाची घोषणा केली. पुण्यातील ईएसआयसी (ESIC) हॉस्पिटलचा दर्जा वाढवण्यासाठी केंद्रीय मंत्र्यांनी नव्या मेडिकल कॉलेजला मान्यता दिली असून, तिथे एमबीबीएसच्या (MBBS) ५० जागा मंजूर करण्यात आल्या आहेत. यासाठी माधुरीताई आणि मुरली अण्णा सातत्याने प्रयत्न करत होते, असे सांगत फडणवीस यांनी या निर्णयाबद्दल पंतप्रधान नरेंद्र मोदी आणि जे. पी. नड्डा यांचे आभार मानले.
विधानपरिषद निवडणुकीच्या रणनीतीबाबत बोलताना फडणवीस यांनी सांगितले की, पुणे पदवीधर मतदारसंघात स्मिता जाधव यांच्या पाठीशी उभे राहण्याचा निर्णय भैय्या माने आणि शरद लाड यांनी घेतला आहे. भाजपचे आमदार, पदाधिकारी आणि कार्यकर्ते पश्चिम महाराष्ट्रातील सर्व जिल्ह्यांमध्ये मतदारांपर्यंत पोहोचतील. पुणे आणि अमरावती शिक्षक मतदारसंघासह विधानपरिषदेच्या एकूण पाचही जागांवर महायुतीचे उमेदवार निश्चितपणे निवडून येतील, असा विश्वास त्यांनी व्यक्त केला.
सचिन सानप हे अपक्ष म्हणून निवडणूक लढवत असल्याच्या मुद्द्यावरही त्यांनी भाष्य केले. कुणाची कुणाशी कितीही जवळीक असली तरी शिवसेना, भाजप आणि राष्ट्रवादीचे सर्व आमदार व नगरसेवक भाजपचेच काम करतील, असे ते म्हणाले. आजच्या बैठकीत सर्व आमदार आणि नगरसेवक उपस्थित होते, जिथे सर्वांना कामाच्या अपेक्षा समजावून सांगण्यात आल्या असून ही निवडणूक पूर्ण ताकदीने लढवली जाईल, असेही फडणवीस यांनी स्पष्ट केले.
📌 महत्वाच्या बातम्या
- महाराष्ट्रावर एल निनोचे महासंकट! ऑक्टोबरनंतर ‘सुपर एल निनो’चा धोका, हवामान विभागाचा मोठा इशारा
- आंदोलनाची दिशा बदलली; राजू शेट्टी यांची उद्यापासून राज्यातील साखर कारखाने बंद पाडण्याची घोषणा
- अमिताभ बच्चन यांच्यापेक्षा १ रुपया जास्त मानधन घेणार; कमलेश सावंत यांनी सांगितला नाना पाटेकरांचा ‘तो’ किस्सा
Quick Answers
देवेंद्र फडणवीस यांनी या चर्चा फेटाळून लावत सांगितले की, शिंदेसाहेब अजिबात नाराज नसून तुम्हीच सर्वजण नाराज आहात, त्यामुळे त्यांच्याबाबत विनाकारण अफवा पसरवू नका.
पुण्यातील जागेसाठी शिंदे गटाकडून मंगेश चिवटे यांनी उमेदवारी अर्ज दाखल केला होता, मात्र नंतर त्यांनी अर्ज मागे घेतल्याने एकनाथ शिंदे नाराज झाल्याची चर्चा सुरू झाली होती.
पुण्यातील ईएसआयसी हॉस्पिटलचा दर्जा वाढवण्यासाठी केंद्रीय मंत्र्यांनी नव्या मेडिकल कॉलेजला मान्यता दिली असून, तिथे एमबीबीएसच्या ५० जागा मंजूर करण्यात आल्या आहेत.
पुणे आणि अमरावती शिक्षक मतदारसंघासह विधानपरिषदेच्या एकूण पाचही जागांवर महायुतीचे उमेदवार निश्चितपणे निवडून येतील, असा विश्वास फडणवीस यांनी व्यक्त केला.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
