दिल्ली, 7 ऑक्टोबर: मुख्य निवडणूक आयुक्त ज्ञानेश कुमार यांच्या राजीनाम्याच्या मागणीवर काँग्रेस आणि इतर विरोधी पक्ष ठाम असून त्यांनी आक्रमक पवित्रा घेतला आहे. ज्ञानेश कुमार यांच्या राजीनाम्यासाठी राहुल गांधी यांच्यासह विरोधी पक्षांच्या खासदारांनी दिल्लीतील जंतरमंतरवर आंदोलन पुकारले आहे.
या आंदोलनासाठी विरोधी पक्षांचे खासदार तीन बसमधून जंतरमंतरच्या दिशेने निघाले होते. मात्र, पोलिसांनी या बस मध्येच अडवल्या. बस अडवण्यात आलेल्या ठिकाणी मोठ्या प्रमाणात पोलीस बंदोबस्त तैनात करण्यात आला आहे. राहुल गांधी यांनी आता आरपारच्या लढाईची घोषणा केली असून, बस अडवल्यामुळे संतप्त झालेल्या खासदारांनी भाजपविरोधात जोरदार घोषणाबाजी सुरू केली आहे.
ज्ञानेश कुमार यांच्या राजीनाम्याच्या मागणीसाठी विरोधकांनी मंगळवारीदेखील दिल्लीमध्ये मोठे आंदोलन केले होते. या आंदोलनात राहुल गांधी आणि प्रियंका गांधी यांच्यासह विरोधी पक्षांतील सर्व प्रमुख नेते तसेच खासदार सहभागी झाले होते.
📌 महत्वाच्या बातम्या
- शिवसेना पक्ष आणि चिन्ह प्रकरण: युक्तिवादासाठी नीरज कौल यांची सुप्रीम कोर्टाकडे दोन दिवसांची मागणी
- सर्वोच्च न्यायालयात शिवसेना पक्षचिन्हावर सुनावणी; पक्षघटनेवरून शिंदे गटाचे वकील नीरज कौल यांचा युक्तिवाद
- “एकदा बाहेर ते कायमचे बाहेर, मी दादांसारखी नाही”; सुनेत्रा पवारांचा जगतापांना थेट इशारा








