बुलडाणा, 6 ऑक्टोबर: बुलडाणा जिल्ह्यातील देऊळगाव राजा शहरात शिवसेना शिंदे गट आणि राष्ट्रवादी काँग्रेस यांच्यात झालेल्या तुंबळ हाणामारीत दोन जणांचा मृत्यू झाला आहे. रात्रीच्या सुमारास एका कव्वालीच्या कार्यक्रमादरम्यान हा वाद उफाळून आला. या दुहेरी हत्याकांडामुळे शहरात मोठी खळबळ उडाली आहे.
देऊळगाव राजा परिसरात आयोजित कव्वालीच्या कार्यक्रमात दोन्ही गटांच्या नेत्यांमध्ये सुरुवातीला बाचाबाची झाली. त्यानंतर या शाब्दिक वादाचे रुपांतर हाणामारीत झाले. या मारामारीत प्राण गमावलेल्यांमध्ये शिवसेना शिंदे गटाचे अनवर शेख आणि अजित पवार गटाचे कार्यकर्ते आरिफ शेख यांचा समावेश आहे.
या मारहाणीत मृत्यूमुखी पडलेल्या दोघांपैकी एका नगरसेवकाचा समावेश असल्याची माहिती समोर आली आहे. या धक्कादायक घटनेची माहिती मिळताच पोलिसांनी तात्काळ घटनास्थळी धाव घेतली.
पोलिसांनी दोन्ही मृतदेह ताब्यात घेतले असून ते शवविच्छेदनासाठी शासकीय रुग्णालयात पाठवण्यात आले आहेत. या प्रकरणाचा पोलिसांकडून पुढील तपास सुरू आहे.
📌 महत्वाच्या बातम्या
- सूर्यकुमार यादवला मुंबईच्या रणजी संघातून वगळले; सिद्धेश लाडकडे नेतृत्व
- मोदी मंत्रिमंडळात मोठ्या फेरबदलाचे संकेत; हरदीपसिंग पुरींसह दोन मंत्र्यांची गच्छंती, श्रीकांत शिंदेंना संधी?
- शरद लाड यांचा अर्ज ‘डमी’, भाजपमध्ये बंडखोरी नसल्याचा रवींद्र चव्हाणांचा दावा
Quick Answers
बुलडाणा जिल्ह्यातील देऊळगाव राजा शहरात शिवसेना शिंदे गट आणि राष्ट्रवादी काँग्रेस यांच्यात एका कव्वालीच्या कार्यक्रमादरम्यान ही तुंबळ हाणामारी झाली.
या मारामारीत शिवसेना शिंदे गटाचे अनवर शेख आणि अजित पवार गटाचे कार्यकर्ते आरिफ शेख यांचा मृत्यू झाला.
घटनेची माहिती मिळताच पोलिसांनी घटनास्थळी धाव घेतली, दोन्ही मृतदेह ताब्यात घेऊन शवविच्छेदनासाठी शासकीय रुग्णालयात पाठवले आणि पुढील तपास सुरू केला आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
