प्रतिनिधी, 1 ऑक्टोबर : मालमत्ता खरेदी किंवा जमिनीचा व्यवहार करताना खोटे साक्षीदार उभे करून फसवणूक झाल्याच्या घटना तुम्ही अनेकदा ऐकल्या असतील. पण आता या सर्व प्रकारांना कायमचा आळा बसणार आहे. होय, कारण राज्य शासनाने एक अत्यंत मोठा आणि महत्त्वपूर्ण निर्णय घेतलाय.
नुकत्याच जारी झालेल्या राजपत्रानुसार, आजपासून म्हणजेच १ ऑक्टोबरपासून राज्यात दस्त नोंदणीसाठी आधार कार्ड अनिवार्य (Aadhaar Card Mandatory) करण्यात आलं आहे. थोडक्यात सांगायचं तर, तुमच्याकडे जर आधार कार्ड नसेल, तर जमिनीचा किंवा मालमत्तेचा कोणताही व्यवहार आता पूर्ण होऊ शकणार नाही.
महसूलमंत्री चंद्रशेखर बावनकुळे (Chandrashekhar Bawankule) यांनी राज्याच्या महसूल विभागात गेल्या दोन वर्षांत अनेक धडक निर्णय घेतले आहेत. त्यात आता या नव्या निर्णयाची भर पडली आहे. मुख्यमंत्री देवेंद्र फडणवीस यांच्या विशेष सूचनेनुसार हा मोठा निर्णय घेण्यात आलाय. यामुळे खरेदी, विक्री, बक्षीस पत्र, गहाणखत आणि वाटणीसह जवळपास ६३ प्रकारच्या दस्त नोंदींसाठी आता केवळ आधार कार्डच (Aadhaar Card) ओळखीचा मुख्य पुरावा मानला जाणार आहे. यासंदर्भातील अधिकृत राजपत्र शासनाने प्रकाशित केलं असून, याची प्रत्यक्ष अंमलबजावणी आजपासून सुरू झाली आहे.
Property Registration Aadhaar Card Mandatory
अनेकदा दस्त नोंदणी कार्यालयात खोटे पक्षकार आणि बोगस साक्षीदार उभे करून जमिनी लाटण्याचे प्रकार सर्रास घडतात. अशा घटनांमधून सर्वसामान्यांची आयुष्यभराची कमाई धोक्यात येते. त्यामुळेच, ही फसवणूक मुळासकट उखडून टाकण्यासाठी दस्त नोंदणी प्रक्रियेत आधार कार्डाची सक्ती करण्यात आली आहे. आता आधारच्या पडताळणीशिवाय कोणतीच दस्त नोंदणी होणार नाही, हे स्पष्ट झालंय.
दुसरीकडे, या नव्या नियमामुळे महसूल विभागाचे कामकाज अधिक वेगवान आणि पारदर्शक होण्यास मदत मिळेल. ज्या पक्षकारांकडे दस्त नोंदणीच्या वेळी आधार कार्ड नसेल, त्यांच्या दस्ताची नोंदणी थेट नाकारण्यात येईल.
त्यामुळे तुम्हीही जर एखादी मालमत्ता खरेदी किंवा विक्रीचा विचार करत असाल, तर तुमचं आधार अपडेटेड असणं आता अत्यंत गरजेचं आहे. शासनाच्या या एका निर्णयामुळे जमीन माफिया आणि बोगस व्यवहार करणाऱ्यांचे चांगलेच धाबे दणाणले आहेत.
📌 महत्वाच्या बातम्या
- LPG Price Hike: सणासुदीत महागाईचा भडका! LPG सिलेंडरचे दर वाढले, तुमच्या शहरांतले दर काय?
- रणबीरच्या ‘रामायण’वर मुकेश खन्ना संतापले; म्हणाले, “श्रीरामांना सलमान, रजनीकांत बनवलंय”
- वीज मंडळ माफियासारखं वागतंय! तनिषा मुखर्जीचा संताप; फडणवीस, अमित शाहांकडे केली हस्तक्षेपाची मागणी
Quick Answers
नुकत्याच जारी झालेल्या राजपत्रानुसार, राज्यात १ ऑक्टोबरपासून दस्त नोंदणीसाठी आधार कार्ड अनिवार्य करण्यात आले आहे.
हा निर्णय मुख्यमंत्री देवेंद्र फडणवीस यांच्या विशेष सूचनेनुसार घेण्यात आला आहे.
खरेदी, विक्री, बक्षीस पत्र, गहाणखत आणि वाटणीसह जवळपास ६३ प्रकारच्या दस्त नोंदींसाठी आधार कार्ड हा ओळखीचा मुख्य पुरावा मानला जाईल.
दस्त नोंदणीच्या वेळी ज्या पक्षकारांकडे आधार कार्ड नसेल, त्यांच्या दस्ताची नोंदणी थेट नाकारण्यात येईल.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
