India Today-C Voter Survey : दिल्लीतील जंतरमंतर येथे ‘कॉकरोच जनता पार्टी’ने केलेल्या आंदोलनाचा काँग्रेस (congress) पक्षाला फायदा होत असल्याचे दिसून येत आहे. ‘इंडिया टुडे’ आणि ‘सी-व्होटर’ (India Today-C Voter) यांनी केलेल्या सर्वेक्षणात, देशात सध्या निवडणुका झाल्यास संभाव्य निकाल काय असतील, याची आकडेवारी मांडण्यात आली आहे.
या सर्वेक्षणातून असे दिसून येते की, एनडीए (NDA) पुन्हा सत्तेवर येण्याची शक्यता आहे. मात्र, भाजपला (BJP) पूर्वीच्या सर्वेक्षणांइतकाच पाठिंबा मिळताना दिसत नाही. जरी त्यांना बहुमताचा आकडा गाठता येईल असा अंदाज असला, तरीही मागील सर्वेक्षणांच्या तुलनेत त्यांच्या जागांच्या संख्येत घट झाली आहे.
India Today-C Voter survey results
जानेवारीमध्ये एनडीएला २५२ जागा मिळण्याचा अंदाज होता. मात्र गेल्या सहा महिन्यांत त्यांच्या जागांच्या संख्येत २६ ने घट झाली आहे. या सर्वेक्षणानुसार भाजपला २६१ जागा मिळतील, तर काँग्रेसला २६ जागांचा फायदा होईल असा अंदाज आहे. परिणामी, ‘कॉकरोच जनता पार्टी’च्या आंदोलनाचा काँग्रेसला फायदा होत असल्याची चर्चा आहे. यापूर्वी काँग्रेसला ८० जागा मिळण्याचा अंदाज होता, जो आता वाढून १०६ वर पोहोचला आहे.
सर्वेक्षणातून असेही समोर आले आहे की, जर ‘कॉकरोच जनता पार्टी’ने निवडणूक लढवली, तर ३३ टक्के लोक त्यांना मतदान करण्यास इच्छुक असतील. त्याच वेळी, ४३ टक्के लोकांनी आपण या पक्षाला मतदान करणार नाही असे सांगितले, तर २४ टक्के लोकांनी अद्याप कोणताही निर्णय घेतला नसल्याचे दर्शवले.
पंतप्रधानपदासाठी नरेंद्र मोदी हे सर्वात लोकप्रिय नेते असल्याचे या सर्वेक्षणात दिसून आले असून, ४९ टक्के लोकांनी त्यांना पसंती दर्शवली आहे. राहुल गांधी दुसऱ्या स्थानावर असून २७ टक्के लोकांनी त्यांना पसंती दिली आहे. विशेष म्हणजे, पसंतीच्या बाबतीत तामिळनाडूचे मुख्यमंत्री विजय यांनी तिसरे स्थान पटकावले आहे.
📌 महत्वाच्या बातम्या
- ‘AI मुळे शेतीचा उत्पादन खर्च 25 ते 30% कमी करू’; फडणवीसांची नाशिकमध्ये मोठी माहिती
- रिक्षाचालकांना मुदतवाढ देण्यावर शिंदे नाराज? आशिष शेलारांनी चर्चाच फेटाळली
- शाळकरी मुलांच्या भविष्याशी खेळणाऱ्या गुटखामाफियांवर बिडकीन पोलिसांचे ‘सर्जिकल स्ट्राईक’!
