तुमचे कष्टाचे पैसे बँकेत खरंच सुरक्षित आहेत का? असा प्रश्न विचारण्याची वेळ पुन्हा एकदा आलीये. कारण, ग्राहकांच्या हिताकडे दुर्लक्ष करणाऱ्या एका बड्या बँकेवर थेट भारतीय रिझर्व्ह बँकेने (RBI Bank Ban) आपला बडगा उगारलाय.
मुंबईतील प्रसिद्ध मोगावीरा सहकारी बँकेवर (Mogaveera Co-operative Bank) आरबीआयने थेट सहा महिन्यांची कडक बंदी घातली आहे. बँकेची ढासळलेली आर्थिक स्थिती आणि नियमांकडे केलेलं दुर्लक्ष यामुळे १२ जून रोजी कामकाज संपल्यापासून हे कठोर निर्बंध लागू करण्यात आले आहेत.
RBI Bank Ban on Mogaveera Bank
आरबीआयच्या या नव्या आदेशामुळे मोगावीरा बँक आता ग्राहकांना कोणतंही नवीन कर्ज वाटू शकणार नाहीये. दुसरीकडे, जुन्या कर्जांचे नूतनीकरण करणे, कोणत्याही नवीन ठेवी स्वीकारणे किंवा बाजारात कुठेही गुंतवणूक करण्यावर बँकेला पूर्णपणे मज्जाव करण्यात आला आहे.
साहजिकच, या कारवाईमुळे ठेवीदारांमध्ये मोठी धांदल उडाली आहे. मात्र, दिलाशाची बाब म्हणजे सध्याच्या रोख रकमेच्या स्थितीचा विचार करून ग्राहकांना त्यांच्या बचत (Savings) किंवा चालू खात्यातून (Current Account) कमाल १ लाख रुपयांपर्यंत रक्कम काढण्याची परवानगी देण्यात आली आहे.
बँकेवर अचानक ही वेळ का आली? सूत्रांनी दिलेल्या माहितीनुसार, आरबीआयचे अधिकारी सातत्याने या बँकेच्या संचालक मंडळ आणि व्यवस्थापनाच्या संपर्कात होते. बँकेच्या कामकाजात सुधारणा व्हावी यासाठी त्यांना वेळोवेळी सूचनाही दिल्या जात होत्या.
मात्र, प्रशासनाने ठेवीदारांच्या हितासाठी कोणतीही ठोस पावले उचलली नाहीत. त्यामुळेच ग्राहकांचे पैसे बुडू नयेत म्हणून आरबीआयला हा मोठा निर्णय घ्यावा लागला आहे. पुढील सहा महिने या निर्बंधांची अंमलबजावणी होईल आणि गरज पडल्यास याचा पुन्हा आढावा घेतला जाईल, असंही रिझर्व्ह बँकेने स्पष्ट केलंय.
📌 महत्वाच्या बातम्या
- बिग बॉसच्या नव्या पर्वाची चाहूल, उर्फी जावेदपासून ‘कच्चा बदाम’ गर्लपर्यंत कोण मारणार बाजी?
- पंजाबराव डख यांची मोठी भविष्यवाणी; यंदा दुष्काळ नाही तर तुफान पाऊस कोसळणार, पाहा तुमच्या भागात कधी येणार मान्सून?
- मुख्यमंत्री विजय यांची मोठी घोषणा; तमिळनाडूतील लाखो शेतकऱ्यांची ७५ हजारांपर्यंतची कर्जमाफी थेट लागू!
बातम्यांसाठी YouTube चॅनेल Subscribe करा
Subscribe Now
