“साजिद खानने मला घरी बोलावलं आणि म्हणाला आता कपडे काढून..”, अभिनेत्री नवीनाचे गंभीर आरोप

मुंबई | २८ एप्रिल: ‘इश्कबाज’ आणि ‘मिले जब हम तुम’ या लोकप्रिय मालिकेतील अभिनेत्री नवीना बोलेने दिग्दर्शक साजिद खानवर गंभीर आरोप करत कास्टिंग काऊचचा धक्कादायक अनुभव उघड केला आहे. एका यूट्यूब चॅनलवर दिलेल्या मुलाखतीत नवीनाने हा संपूर्ण प्रकार सांगितला.

नवीना बोलेने सांगितले की, साजिद खानने तिला घरी बोलावून कपडे काढण्यास सांगितले होते. “तो मला म्हणाला होता, तुझे सर्व कपडे काढ आणि अंतर्वस्त्रांमध्ये येऊन बस, मला पाहायचं आहे की तू किती कम्फर्टेबल आहेस,” असं नवीना म्हणाली. हा प्रकार २००४ ते २००६ दरम्यान घडल्याचं तिने स्पष्ट केलं.

Navina Bole Accuses Sajid Khan of Casting Couch Misconduct

नवीना पुढे म्हणाली की, ती त्याच्याकडे कामाच्या आशेने गेली होती, मात्र तिथे तिला अत्यंत अपमानास्पद वागणूक मिळाली. “मी तिथून कशीबशी निघाले. त्यानंतर साजिदने मला अनेक वेळा फोन करून भेटायला बोलावले,” असा आरोपही नवीनाने केला.

याआधी २०१८ मध्येही साजिद खानवर अनेक अभिनेत्रींनी #MeToo मोहिमेदरम्यान आरोप केले होते. त्यानंतर त्याला काही प्रकरणांमध्ये क्लिन चिट मिळाली होती. मात्र नवीना बोलेच्या नव्या खुलास्यामुळे साजिद खानवर पुन्हा एकदा वादंग उठण्याची शक्यता आहे.

महत्वाच्या बातम्या

• जसप्रीत बुमराहच्या भेदक माऱ्यावर मुंबईचा लखनौवर ५४ धावांनी सलग पाचवा विजय
• “आमच्याकडे १३० अणुबॉम्ब, सजवून ठेवण्यासाठी नाहीत”; पाकिस्तानची भारताला धमकी
• आता तेच पाहतील… मी काय करणार? अजित पवारांबाबत भुजबळ यांचे मोठे व्यक्तव्य