Aditya Thackeray । मागील काही दिवसांपासून राजकीय वर्तुळात अनेक राजकीय घडामोडी घडत आहेत. अशातच आता ठाकरे गट (Thackeray group) सत्तेत सहभागी होणार का? अशा चर्चांना उधाण आले आहे. याला कारणही अगदी तसंच आहे. ठाकरे गटाचे आमदार आदित्य ठाकरेंनी सलग तिसऱ्यांदा मुख्यमंत्र्यांची (Devendra Fadanvis) भेट घेतली आहे.
तसेच काही दिवसापूर्वी दैनिक सामनातून मुख्यमंत्रांचं कौतुक केलं होतं. “देवा भाऊ अभिनंदन!” या शीर्षकाखाली देवेंद्र फडणवीस यांच्या कामाचं कौतुक केले होते. गडचिरोलीला पोलाद शहर करण्याचा केलेला निर्धार आणि नक्षलवाद्यांनी मुख्यमंत्र्यांसमोर केलेलं आत्मसमर्पण, या सगळ्याचं कौतुक लेखातून करण्यात आलं होतं. त्यावेळी ठाकरेंच्या भूमिकेबद्दल चर्चांना उधाण आले होते.
अशातच आज पुन्हा आदित्य ठाकरे हे मुख्यमंत्र्यांच्या भेटीसाठी मंत्रालयात दाखल झाले होते. पण या भेटीदरम्यान वरळीत राहणाऱ्या पोलीस पत्नी आणि गृहनिर्माणबाबत फडणवीसांसोबत चर्चा झाली असल्याची माहिती आदित्य ठाकरे यांनी दिली आहे. तसेच मुंबई पोलिसांची निवासस्थानाच्या डागडुजीचा प्रश्नावर देखील चर्चा झाली असल्याचे आदित्य ठाकरे म्हणाले.
Aditya Thackeray meet Devendra Fadanvis
यावरून आता ठाकरे गट महायुतीसोबत सत्तेत जाणार का? अशा चर्चांना पूर्णविराम मिळाला आहे. दरम्यान, होऊ घातलेल्या मुंबई महापालिका निवडणूका ठाकरे गट स्वबळावर लढू शकतो, अशी शक्यता वर्तवली जात आहे.
महत्त्वाच्या बातम्या :
- IPL 2025 पूर्वीच RCB ला मोठा धक्का! ‘हा’ स्टार खेळाडू दिसणार नाही मैदानात? समोर आली मोठी अपडेट
- “ठाकरे, पवारांना सोडून जाणारे रावणाचे…”; Sanjay Raut यांचा हल्लाबोल
- स्वस्तात मस्त! Oneplus च्या ‘या’ स्मार्टफोनपुढे iPhone ही फेल; शानदार फीचरसह किंमत आहे…
