Sunil Rasne vs Sujay Vikhe | राज्याच्या राजकारणात अहमदनगर शहर महत्वाचे मानले जाते. नगरच्या राजकारणांवर महाराष्ट्राचे बारीक लक्ष असते. सद्या नगरच्या राजकारणात सुजय विखेंच्या भाषणातील सुटत चाललेला तोल चर्चेचा विषय बनला आहे.
काही दिवसांपूर्वी सुजय विखे यांनी निलेश लंके यांना आव्हान देत ‘निलेश लंके यांनी पाठांतर करुन माझ्यासारखे फाडफाड इंग्रजी बोलावे, आपण उमेदवारी मागे घेऊ’ असे म्हणाले होते. यानंतर आता ‘आमच्या नावे मान्य नसतील तर तुतारी वाजवून टाका’, असे आवाहन सुजय विखे यांनी मतदारांना केल्याने भाजपमधील मोठे नेते नाराज झाले असल्याचे बोलले जात आहे.
दरम्यान, सुजय विखेंच्या मनमानी कारभाराला कार्यकर्ते आणि पदाधिकारी कंटाळले आहेत. नगर दक्षिण मतदार संघातील शेवगाव येथील भाजपचे सरचिटणीस सुनील रासने यांनी आपल्या पदांचा राजीनामा देत, सुजय विखे पाटील यांच्यावर गंभीर आरोप केले आहेत. त्यामुळे आता भाजपची डोकेदुखी वाढली आहे.
सुजय विखे लोकसभा निवडणुकीत निवडून आल्यानंतर नागरिकांच्या सुविधांकडे लक्ष दिले नाही. तसेच त्यांनी येथील नागरिकांशी संवाद देखील साधला नसल्याचा आरोप सुनील रासने यांनी केला आहे.
सुनील रासने म्हणाले की,” पार्टी म्हणजेच मी आणि मी म्हणजेच मतदार संघातील जनता, असा समज करून त्यांनी घेतला आहे. गेल्या पाच वर्षात कधीही सुजय विखे यांनी नागरिकांचे फोन नउचलेले नाहीत तसेच मतदारसंघात ढुंकुण देखील पाहिले नाही. त्यामुळेच आता डाळ आणि साखर वाटण्याचे काम ते करत आहेत. परंतु मतदारांशी संवाद साधला असता तर ही वेळ आली नसती असा टोला रासने यांनी सुजय विखेंना लगावला.
सुजय विखे यांना पक्षांतर्गत नाराजीचा फटका बसला असून गेल्या अनेक वर्षांपासून पक्षासाठी काम करत असलेल्या कार्यकर्ते आणि पदाधिकाऱ्यांमध्ये नाराजी दिसत आहे. यामुळे अहमदनगर मध्ये भाजपला मोठे भगदाड पडले असल्याचे चित्र आहे.
भारतीय जनता पक्ष हा देशामध्ये 400 पार करेल मात्र त्यामध्ये नगर दक्षिणची जागा नसणार याचे दुःख मतदार संघातील प्रत्येक कार्यकर्त्याला वाटत असल्याचे रासने यांनी म्हटले आहे. नगर दक्षिण मतदारसंघातील भाजपच्या हजारो निष्ठावंताची हीच भावना असल्याचे रासने यांनी सांगितले आहे.
सुनील रासने भाजपचे सरचिटणीस असून त्यांनी शहर उपाध्यक्ष, तालुका उपाध्यक्ष, तालुका सरचिटणीस असे अनेक महत्त्वाचे पदे भूषवली आहेत. ते अनेक वर्षांपासून भाजपचे सक्रिय कार्यकर्ते आहेत.
Lok Sabha Election 2024 Sunil Rasne vs Sujay Vikhe
महत्वाच्या बातम्या
- आमच्या नावाची अडचण असेल तर तुतारी वाजवून टाका – सुजय विखे
- वर्षभरात २८ हजार घरे महिलांच्या नावावर मुद्रांक शुल्कात एक टक्का सवलतीचा लाभ
- ‘जाहिराती उत्साहात दिल्या’; रामदेव बाबा यांची सुप्रीम कोर्टात माफी
बातम्यांसाठी YouTube चॅनेल Subscribe करा
Subscribe Now
