Lok Sabha Election 2024, Sujay Vikhe । अहमदनगर दक्षिण लोकसभा मतदारसंघात भाजपाचे उमेदवार सुजय विखे यांनी मोठं विधान केले आहे. ‘आमच्या नावाची अडचण असेल तर तुतारी वाजवून टाका’, असे सुजय विखे यांनी मतदारांना आवाहन केल्याने भाजपमधील मोठया नेत्यांच्या भुवया उंचावल्या आहेत.
महायुतीकडून सुजय विखे तर महाविकास आघाडीकडून निलेश लंके यांच्यामध्ये लोकसभेची लढत होत आहे. प्रचाराच्या सभेत बोलताना सुजय विखे पाटील यांनी ‘आमच्या नावाची अडचण असेल तर तुतारी वाजवून टाका’ असे मोठे विधान केले आहे.
सुजय विखे नेमके काय म्हणाले?
“काही लोकांना सुजय विखे मान्य नसतील तर मोदींचे नाव सांगा. आमच्या दोघांची अडचण असेल तर ताईंचे नाव सांगा. तिघांची अडचण असेल तर अरुण मुंडेंचे नाव सांगा. आमची सर्वांची अडचण असेल तर तुतारी वाजवून टाका”, असे म्हणत सुजय विखे यांनी भरसभेत हात जोडले. त्यांच्या या विधानामुळे अनेकांच्या भुवया उंचावल्या आहेत.
सुजय विखे यांचा भाषणातील तोल सुटत चालला असल्याचे राजकीय वर्तुळात चर्चा सुरु आहे. यामुळे भाजप नेते हि विखे यांच्यावर नाराज असल्याचे बोलले जात आहे.
काही दिवसांपूर्वी सुजय विखे यांनी निलेश लंके यांना आव्हान देत ‘निलेश लंके यांनी पाठांतर करुन माझ्यासारखे फाडफाड इंग्रजी बोलावे, आपण उमेदवारी मागे घेऊ’ यानंतर आता ‘आमच्या नावे मान्य नसतील तर तुतारी वाजवून टाका’, असे म्हटल्यामुळे सुजय विखे पुन्हा एकदा चर्चेत आले आहेत.
Lok Sabha Election 2024 Sujay Vikhe
महत्वाच्या बातम्या
- वर्षभरात २८ हजार घरे महिलांच्या नावावर मुद्रांक शुल्कात एक टक्का सवलतीचा लाभ
- ‘जाहिराती उत्साहात दिल्या’; रामदेव बाबा यांची सुप्रीम कोर्टात माफी
- विकासाचे गुलाबी चित्र रंगवण्यासाठी RBI वर दबाव! माजी गव्हर्नर सुब्बाराव यांचा मुखर्जी,
बातम्यांसाठी YouTube चॅनेल Subscribe करा
Subscribe Now
