🕒 1 min read
PM Kisan Yojana | टीम महाराष्ट्र देशा: देशातील शेतकऱ्यांना आर्थिक पाठिंबा देण्यासाठी केंद्र सरकार वेगवेगळ्या प्रकारच्या योजना राबवत असते. या योजनांच्या माध्यमातून शेतकऱ्यांना अतिवृष्टी, दुष्काळ इत्यादी परिस्थितीत आर्थिक मदत मिळते.
अशात शेतकऱ्यांना आर्थिक पाठबळ देण्यासाठी केंद्र सरकारने प्रधानमंत्री सन्मान योजना सुरू केली आहे. या योजनेच्या माध्यमातून सरकार शेतकऱ्यांना दरवर्षी 6 हजार रुपयांची आर्थिक मदत करते.
हे सहा हजार रुपये शेतकऱ्यांना 2000 च्या तीन हप्त्यांमध्ये दिले जातात. शेतकऱ्यांना आतापर्यंत या योजनेचे 14 हप्ते मिळाले आहे. यानंतर शेतकरी आता या योजनेतील 15 व्या हप्त्याची वाट बघत आहे.
15th installment may be released in the month of November
आतापर्यंत शेतकऱ्यांना प्रधानमंत्री किसान योजनेतील (PM Kisan Yojana) 14 हप्ते मिळाले आहेत. त्यानंतर शेतकरी आता या योजनेतील 15 वा हप्त्याची आतुरतेने वाट बघत आहे.
अशात 15 व्या हप्ताबाबत अपडेट समोर आली आहे. मीडिया रिपोर्टनुसार, प्रधानमंत्री किसान योजनेतील पंधरावा हप्ता नोव्हेंबर महिन्यात जारी केला जाऊ शकतो.
मात्र, याबाबत केंद्र सरकारकडून कोणत्याही प्रकारची अधिकृत घोषणा करण्यात आलेली नाही. या योजनेतील पंधराव्या हप्त्याचा लाभ मिळवायचा असेल तर शेतकऱ्यांना जमिनीची पडताळणी, आधार कार्ड लिंक आणि ईकेवायसी करणं अत्यंत गरजेचं आहे.
दरम्यान, अल्पभूधारक शेतकऱ्यांना आर्थिक सहाय्य प्रदान करण्यासाठी केंद्र सरकारने 24 फेब्रुवारी 2019 रोजी प्रधानमंत्री किसान योजना (PM Kisan Yojana) सुरू केली आहे.
या योजनेचा करोडो शेतकऱ्यांना आतापर्यंत लाभ मिळाला आहे. तर ज्या शेतकऱ्यांनी अजून या योजनेसाठी नोंदणी केलेली नाही, त्यांनी लवकरात लवकर या योजनेसाठी नोंदणी करून घ्यावी.
https://pmkisan.gov.in या वेबसाईटला भेट देऊन शेतकरी या योजनेसाठी नोंदणी करू शकतात. त्याचबरोबर पीएम किसान योजनेमध्ये शेतकऱ्यांना काही समस्या आढळून आल्या तर शेतकरी त्यांच्या समस्या pmkisan-ict@gov.in या ईमेलवर नोंदवू शकतात.
तर योजनेबद्दल अधिक माहिती मिळवण्यासाठी शेतकरी या 155261 किंवा 1800115526 किंवा 011-23381092 क्रमांकावर संपर्क करू शकतात.
महत्वाच्या बातम्या
- Rajasthan Royals | मुंबईला मोठा धक्का! MI ला 4 ट्रॉफी जिंकून देणारे कोच राजस्थानला देणार प्रशिक्षण
- Gopichand Padalkar | विष कसं पेरायचं ते शरद पवारांकडून शिकावं – गोपीचंद पडळकर
- Govt Job Opportunity | मुंबई रेल्वे विकास कॉर्पोरेशन लिमिटेडमध्ये सरकारी नोकरीची संधी! ऑनलाइन पद्धतीने करा अर्ज
- Supriya Sule | राज्य सरकारने मराठा आरक्षणाच्या बाबतीत कागदी घोडे नाचवण्याचा खेळ चालवलाय – सुप्रिया सुळे
- Supriya Sule | राज्यातील ट्रिपल इंजिनचं खोके सरकार नक्की काय काम करताय? – सुप्रिया सुळे
बातम्यांसाठी YouTube चॅनेल Subscribe करा
Subscribe Now
