बिग बॉसच्या घरात प्रेम फुलणं नवीन नाही, पण यावेळी जे घडलंय ते पाहून सगळ्यांच्याच भुवया उंचावल्या आहेत. प्रेमाचा हा ‘खेळ’ खरा की फक्त टीआरपीचा स्टंट? हा प्रश्न तुम्हालाही पडेल, कारण घरात आता एका नव्या जोडीची चर्चा रंगली आहे. करण सोनावणेच्या एक्झिटनंतर एक लव्ह स्टोरी अर्ध्यावर राहिली असतानाच, आता विशाल कोटियन (Vishal Kotian) आणि रुचिता जामदार (Ruchita Jamdar) यांच्यात काहीतरी शिजतंय!
सध्या ‘बिग बॉस मराठी’च्या (Bigg Boss Marathi 6) घरात नात्यांची समीकरणं सेकंदाला बदलत आहेत. या आठवड्यात कलर्स मराठीने शेअर केलेल्या एका प्रोमोने सोशल मीडियावर धुमाकूळ घातलाय. यात रुचिता आपली सहस्पर्धक अनुश्रीजवळ मन मोकळं करताना दिसते. “मला त्याचा (विशालचा) प्रेझेन्स आवडतो… घरातले माझ्या चुका काढत असताना तो माझ्या बाजूने पॉझिटिव्ह बोलतो. मी त्याच्याशी खूप अटॅच आहे,” अशी कबुली रुचिताने दिली आहे.
Vishal Kotian Ruchita Jamdar Love Story
इकडे विशालनेही आपल्या भावनांना वाट मोकळी करून दिली आहे. नॉमिनेशन टास्कदरम्यान आणि अनुश्रीशी बोलताना विशालने वयाचं अंतर मान्य करत एक मोठं वक्तव्य केलं. तो म्हणाला, “आमच्यात १५ वर्षांचा फरक आहे. एखादीच अशी व्यक्ती असते जी आपल्याला आवडू शकते आणि तशी ती मला आवडते.” विशालच्या या जाहीर कबुलीने घरात एकच चर्चा सुरू झाली आहे.
दुसरीकडे, या ‘लव्ह स्टोरी’मध्ये वादाची फोडणीही पडली आहे. दिपाली सय्यदने “हे प्रकरण घराबाहेरही चालू ठेवावं,” असा टोला लगावताच रुचिताचा पारा चढल्याचं पाहायला मिळालं. मात्र, सोशल मीडियावर नेटकऱ्यांनी या जोडीला चांगलंच धारेवर धरलंय. काहींना ही जोडी आवडली आहे, तर काहींनी वयाच्या अंतरावरून त्यांना ट्रोल केलंय. एका युजरने तर थेट, “एकतर रुचिताला बाहेर काढा किंवा त्या म्हाताऱ्या विशालला तरी,” अशी कमेंट करत संताप व्यक्त केलाय. आता हा प्रेमाचा अंक खरा की खेळाचा भाग, हे येणारा काळच ठरवेल.
📌 महत्वाच्या बातम्या
- हर्षवर्धन सपकाळांकडून टिपू सुलतानची शिवरायांशी तुलना; संतापलेल्या मराठी अभिनेत्याचा थेट इशारा, म्हणाला…
- काय सुंदर दिसते राव, ईशान किशनची गर्लफ्रेंड; आजोबांनी थेट नावच सांगितलं; कोण आहे ‘ही’ सुंदरी?
- शेतकऱ्यांसाठी मोठी बातमी! किसान क्रेडिट कार्डच्या नियमांमध्ये होणार ‘हे’ ५ मोठे बदल; RBI च्या निर्णयाने चिंता मिटणार?
बातम्यांसाठी YouTube चॅनेल Subscribe करा
Subscribe Now
