राजकारणात कधी कोणता मुद्दा तापेल आणि कुणाची जीभ घसरेल, याचा काहीही नेम नाही. याचाच प्रत्यय आता महाराष्ट्रात पुन्हा एकदा आलाय. काँग्रेस प्रदेशाध्यक्ष हर्षवर्धन सपकाळ यांनी थेट टिपू सुलतानची तुलना छत्रपती शिवाजी महाराजांशी केली आणि संपूर्ण राज्यात एकच खळबळ उडाली. या विधानावरून राजकीय वर्तुळातून तीव्र प्रतिक्रिया येत असतानाच, आता मराठी मनोरंजन विश्वातूनही मोठा संताप व्यक्त होऊ लागलाय.
नेहमीच सामाजिक आणि राजकीय विषयांवर बेधडक बोलणारा लोकप्रिय अभिनेता अभिजीत केळकर याने या वादावर उडी घेतली आहे. सोशल मीडियावर अभिजीत केळकर (Abhijeet Kelkar) याने केलेली एक मार्मिक पोस्ट सध्या वाऱ्यासारखी व्हायरल होतेय.
Abhijeet Kelkar Post
सपकाळांच्या या विधानाचा समाचार घेताना अभिजीतने लिहिलंय, “आज महाराज असते तर अशांना ‘टिपू’न ‘टिपू’न मारले असते.” त्याच्या या सूचक आणि धारदार शब्दांनी अनेकांचं लक्ष वेधून घेतलं असून, चाहत्यांनी या पोस्टवर जोरदार प्रतिक्रिया दिल्या आहेत. यापूर्वीही मुंब्रा येथील एका नगरसेविकेच्या वादग्रस्त विधानावर त्याने असं सडेतोड मत मांडलं होतं.
मालेगावच्या उपमहापौरांच्या कक्षात लावलेल्या टिपू सुलतानच्या फोटोवरून हिंदुत्ववादी संघटनांनी आक्रमक पवित्रा घेतला होता. यावर माध्यमांशी बोलताना हर्षवर्धन सपकाळ यांनी, “शौर्याचे लक्षण म्हणून टिपू सुलतान यांना आपण शिवाजी महाराजांच्या समकक्ष बघितले पाहिजे,” असं अजब विधान केलं.
या एका विधानाने महाराष्ट्रातील राजकीय वातावरण चांगलंच तापलं. मुख्यमंत्री देवेंद्र फडणवीस यांनी यावर कडाडून टीका करत सपकाळांना जाहीर माफी मागण्याची मागणी केली आहे. मतांसाठी इतके लांगूलचालन कधी पाहिलं नसल्याची घणाघाती टीका त्यांनी केलीय.
“लाखो हिंदूंची हत्या करणाऱ्या टिपू सुलतानाची तुलना शिवरायांशी करणं अत्यंत निंदनीय आहे,” अशा शब्दांत फडणवीसांनी काँग्रेसवर हल्लाबोल केला. एकूणच काय, तर या वादग्रस्त विधानामुळे राज्यात मोठा गदारोळ माजला असून, आता पुढे काय राजकीय पडसाद उमटतात, हे पाहणं महत्त्वाचं ठरणार आहे.
📌 महत्वाच्या बातम्या
- काय सुंदर दिसते राव, ईशान किशनची गर्लफ्रेंड; आजोबांनी थेट नावच सांगितलं; कोण आहे ‘ही’ सुंदरी?
- शेतकऱ्यांसाठी मोठी बातमी! किसान क्रेडिट कार्डच्या नियमांमध्ये होणार ‘हे’ ५ मोठे बदल; RBI च्या निर्णयाने चिंता मिटणार?
- विजयानंतर कॅप्टन सूर्याची ‘ती’ पोस्ट वादळी ठरली; फक्त ३ शब्दांत पाकिस्तानच्या जखमेवर चोळलं मीठ!
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
