🕒 1 min read
Supriya Sule | मुंबई: राष्ट्रवादी काँग्रेस पक्षाचे दोन गट झाल्यानंतर पहिल्यांदाच दोन्ही गट आमने-सामने आले आहे. शरद पवार गट आणि अजित पवार गट दोन्ही गटाच्या आज मुंबईत बैठका झाल्या आहेत. यामध्ये अजित पवार (Ajit Pawar) आणि सुप्रिया सुळे एकमेकांवर आरोप प्रत्यारोप करताना दिसले आहे. अजित पवारांच्या टीकेला सुप्रिया सुळे यांनी सडेतोड उत्तर दिलं आहे.
“मी शरद पवार यांच्या छत्रछायेखाली घडलो आहे. मी कुठे चुकलो तर त्यांनी मला हक्काने सांगावं. मी ती चूक दुरुस्त करून पुढे जाईल. तुमचं (शरद पवार) वय आता 83 झालं आहे. तुम्हाला थांबायचं आहे की नाही? आम्हाला आशीर्वाद का दिला जात नाही? आमच्यात सरकार चालवायची धमक नाही का?”, अस अजित पवार म्हणाले.
Age does not prove one’s worth – Supriya Sule
अजित पवार यांच्या या वक्तव्याला सुप्रिया सुळे (Supriya Sule) यांनी सडेतोड उत्तर दिलं आहे. सुप्रिया सुळे म्हणाल्या, “वय हा एक फक्त आकडा आहे. वयावरून कुणाचं कर्तुत्व सिद्ध होत नाही. 80 वर्षापेक्षा जास्त वय असलेल्या अनेक लोकांनी देश पुढे नेला आहे. यामध्ये रतन टाटा, अमिताभ बच्चन, सायरस पूनावाला इत्यादी लोकांचा समावेश आहे. आमच्यावर किती पण टीका करा, पण बापाचा नाद करायचा नाही.”
“जे मुलं आपल्या वडिलांना घरी बसून आशीर्वाद द्यायला सांगतात त्या मुलांपेक्षा मुली परवडल्या. घरावर संकट आले, अडचणी आल्या की मुलीच धावून येतात. त्याप्रमाणे आम्ही देखील कायम पवार साहेबांसोबत आहोत. जे गेले त्यांना आम्ही शुभेच्छा दिल्या आहे. जे गेले ते 2019 चा इतिहास विसरले असतील. मात्र, आम्ही ते विसरलेलो नाही. भर पावसात शरद पवारांनी सभा गाजवून सर्व बाजी पलटली होती. जे सोडून गेले ते गेले. आम्ही पुन्हा आमचा पक्ष उभा करू”, असही त्या (Supriya Sule) यावेळी म्हणाल्या.
महत्वाच्या बातम्या
- Ajit Pawar | मला नेहमी जनतेसमोर विलन ठरवलं जातं – अजित पवार
- Ajit Pawar | आम्ही कुणाच्या पोटी जन्माला नाही आलो, ही चूक आहे आमची – अजित पवार
- Praful Patel | शरद पवारांनी आमच्या भावना समजून आम्हाला आशीर्वाद द्यावा – प्रफुल्ल पटेल
- Dhananjay Munde | अजित पवार नेहमी टीकेचे धनी होतात – धनंजय मुंडे
- Ajit Pawar | अजित पवारांच्या बैठकीत शरद पवारांच्या नावाची रिकामी खुर्ची? राजकीय वर्तुळात चर्चांना उधाण
बातम्यांसाठी YouTube चॅनेल Subscribe करा
Subscribe Now
