🕒 1 min read
बीड । मस्साजोगचे सरपंच संतोष देशमुख यांच्या हत्येच्या प्रकरणात ( Santosh Deshmukh Murder Case ) पोलिसांनी केज न्यायालयात आरोपपत्र सादर केले आहे. या आरोपपत्रात काही धक्कादायक गोष्टी स्पष्ट करण्यात आल्या आहेत. विशेष म्हणजे, तपासादरम्यान पोलिसांनी वाल्मिक कराड (Walmik Karad) याला या प्रकरणाचा प्रमुख आरोपी ठरवला आहे. यासाठी पोलिसांनी विविध पुरावे आणि व्हिडिओ क्लिप्सचा आधार घेतला आहे.
Santosh Deshmukh Murder Case
आरोपपत्रात संतोष देशमुख यांची हत्या, खंडणी यांचा एकत्रित उल्लेख करण्यात आलेला आहे. पोलिसांनी 1400 पेक्षा जास्त पानांचे आरोपपत्र न्यायालयात सादर केले आहे. आरोपपत्रानुसार, संतोष देशमुख यांची हत्या खंडणीच्या कारणावरून झाली, असे दर्शवले गेले आहे.
पाच गोपनीय साक्षीदारांचा पुरावा
या प्रकरणात पाच गोपनीय साक्षीदारांची महत्त्वाची भूमिका आहे. त्यांच्या दिलेल्या जबाबावरून वाल्मिक कराड याच्यावर आरोप ठेवण्यात आले आहेत. साक्षीदारांनी सांगितले की, सुदर्शन घुले आणि विष्णू चाटे यांची नांदूर फाट्यावर भेट झाली होती, जिथे विष्णू चाटे यांनी सुदर्शन घुले याला वाल्मिक कराडचा संदेश दिला. या संदेशानुसार, “संतोष देशमुख आडवा आला, तर त्याला कायमचा धडा शिकवा,” असं सांगितलं गेलं.
सीआयडीचा महत्त्वाचा व्हिडिओ पुरावा
तपासादरम्यान सीआयडीला एक महत्त्वाचा व्हिडिओ मिळाला आहे. या व्हिडिओमध्ये आरोपी सुदर्शन घुले हा संतोष देशमुख यांना मारहाण करत असल्याचे दिसत आहे. हा व्हिडिओ आरोपी जयराम चाटे याने व्हॉट्सअॅप ग्रुपवर शेअर केला होता. या डिजिटल पुराव्यामुळे सीआयडीने निष्कर्ष काढला आहे की, संतोष देशमुख यांची हत्या करणारी एक संघटित टोळी होती.
या प्रकरणात अनेक गंभीर बाबी उजेडात आल्या आहेत आणि तपास सुरूच आहे. न्यायालयीन प्रक्रियेच्या माध्यमातून आरोपींना योग्य शिक्षा दिली जाईल, अशी अपेक्षा व्यक्त केली जात आहे.
Walmik Karad has been accused number 1
महत्वाच्या बातम्या
- Dhananjay Munde यांचा आरोपींना वाचवण्याचा अटोकाट प्रयत्न- अंजली दमानिया
- ‘त्या’ दोन लोकांमुळेच…; Santosh Deshmukh हत्येतील मास्टरमाइंडचा खुलासा होताच सुप्रिया सुळेंचा गंभीर आरोप
- Santosh Deshmukh हत्याप्रकरणाचा मास्टरमाइंड कोण? सीआयडीने केला सर्वात मोठा गौप्यस्फोट
बातम्यांसाठी YouTube चॅनेल Subscribe करा
Subscribe Now
