Sanjay Raut VS Narayan Rane | संजय राऊत यांची नारायण राणेंना कायदेशीर नोटीस; नेमकं प्रकरण काय?

🕒 1 min read

Sanjay Raut VS Narayan Rane। मुंबई : केंद्रीय मंत्री नारायण राणे (Narayan Rane) यांच्या अडचणीत वाढ होण्याची शक्यता आहे. ठाकरे गटाचे खासदार संजय राऊत (Sanjay Raut) यांनी राणेंविरोधात बदनामीचा दावा दाखल केला आहे. सार्वजनिक मंचावरुन राणेंनी खोटे आरोप केल्याचा आरोप संजय राऊत यांनी केला आहे.

काही दिवसांपूर्वी राणेंनी राऊतांविरोधात वक्तव्य केलं होतं. ‘‘२००४ साली नारायण राणे यांनीच संजय राऊत यांना खासदार केलं. त्यावेळी त्यांचं नाव मतदार यादीत नव्हतं. संजय राऊत हे आपल्यामुळे खासदार झाले. त्यासाठी आपण पैसे खर्च केले’ असा दावा राणे यांनी केला होता. राणेंच्या या वक्तव्यावर संजय राऊत यांनी आक्षेप घेतला आहे. त्यामुळे बदनामी झाल्याचा आरोप करत राऊतांनी कायदेशीर नोटीस बजावली आहे. नोटिशीबाबत ट्विटरवरुन संजय राऊत यांनी माहिती दिली आहे.

नारायण राणे सार्वजनिक मंचावरून तसेच माध्यमातून माझ्याविषयी आणि शिवसेने बाबत बिनबुडाचे आरोप करीत असतात.हे आरोप त्यांनी सिध्द करावेत. अन्यथा माफी मागावी.माझे वकील सार्थक शेट्टी यांच्या मार्फत मी त्यांना कायदेशीर कारवाई बाबत नोटीस बजावली आहे.
कर नाही तर डर कशाला?

जय महाराष्ट्र!

— Sanjay Raut (@rautsanjay61) February 3, 2023

तुम्ही मला खासदार केलं तर तेव्हा मग शिवसेना प्रमुख बाळासाहेब ठाकरे काय करत होते?, असा सवाल संजय राऊत यांनी केलाय. २००४ साली मी सामनाचा संपादक होतो. मतदार यादीत नाव नव्हतं म्हणतात. मी काय बांग्लादेशी किंवा पाकिस्तानी नागरिक आहे का?, असं म्हणत राऊतांनी राणेंना सुनावलं.

माझं शिक्षण विद्यापीठातून झालंय. अनेक निवडणुकात मी मतदान केलं. २००४ साली माझं नाव मतदार नोंदणी यादीत होतं. त्यांनी यादी चेक करावी, असं राऊत म्हणाले. नारायण राणेंनी या नोटिसीनंतर माफी मागितली नाही तर न्यायालयात त्यांच्यावर खटला दाखल करेन. किरीट सोमय्यांवर देखील मी खटला दाखल करणार आहे. फक्त मीच नाही तर शिवसेनेच्या ज्या नेत्यांवर अशा प्रकारचे आरोप होत आहेत ते सर्व नेते खटले दाखल करणार असल्याची माहिती संजय राऊत यांनी दिली आहे.

महत्वाच्या बातम्या :

• Sanjay Raut | “लोकांनी भाजपाला नापास केलंय, त्यामुळे उगाच फालतू…”; संजय राऊतांचा खोचक टोला
• Oily Skin | तेलकट त्वचेच्या समस्येपासून मुक्त होण्यासाठी बेसनाचा ‘या’ पद्धतीने करा वापर
• IND vs AUS | चाहत्यांसाठी खुशखबर! भारत-ऑस्ट्रेलिया कसोटी मालिका बघता येणार मोफत
• Rain Alert | राज्यात कमाल तापमान सरासरीपेक्षा कमी राहण्याची शक्यता, तर ‘या’ ठिकाणी पावसाचा अंदाज
• Aadhaar-Pan Link | फक्त एका मेसेजच्या मदतीने आधार-पॅन कसे लिंक करायचे? जाणून घ्या

📈 लोकप्रिय बातम्या

भर पावसात साडीतील ठसकेबाज गौतमी! ‘छमछम नाचूंगी’ गाण्यावर डान्स करताना व्हिडीओ व्हायरल

संतोष देशमुख हत्या प्रकरण : वाल्मिक कराडच्या दोषमुक्ती अर्जाला विरोध

उठले तर लवंग, बसले तर विलायची! नितेश राणेंवर प्रकाश महाजनांची फटकेबाजी