प्रतिनिधी, 27 सप्टेंबर: देशातील सर्व संस्था पंतप्रधान नरेंद्र मोदी आणि गृहमंत्री अमित शाह यांचे ‘घरगडी’ झाले असून, मुख्य निवडणूक आयुक्त ज्ञानेश कुमार हे लोकशाही आणि संविधानाची हत्या करत आहेत. त्यांच्या या प्रवृत्तीविरोधात येत्या ४ ऑक्टोबर रोजी देशाच्या इतिहासातील सर्वात मोठा मोर्चा काढण्यात येणार असल्याची घोषणा खासदार संजय राऊत (Sanjay Raut) यांनी केली आहे.
निवडणूक आयोगावर गंभीर आरोप करताना राऊत म्हणाले की, मोदी आणि शाहांना जे हवे ते करण्यासाठी ज्ञानेश कुमार निर्णय देत आहेत. देशाचा ‘दुश्मन नंबर एक’ ठरलेले ज्ञानेश कुमार आता तीन आयुक्तांचे एकत्र बसलेले फोटो प्रसिद्ध करून सारवासारव करण्याचा प्रयत्न करत आहेत. एवढेच नाही तर, सर्वोच्च न्यायालयातील काही न्यायाधीशही दबावाखाली आणि प्रलोभनाच्या छायेखाली असून त्यांना ब्लॅकमेल केले जात असल्याचा दावाही राऊत यांनी केला.
या महामोर्चासंदर्भात शिवसेना पक्षप्रमुख उद्धव ठाकरे आणि राज ठाकरे यांच्यात सविस्तर चर्चा झाली असून, ४ ऑक्टोबरला स्वतंत्र मोर्चा काढून संपूर्ण महाराष्ट्राची ताकद आणि संताप दाखवून देण्यावर एकमत झाले आहे. २४ तासांत मोठे आंदोलन उभे राहू शकत नाही, हजार-पाचशे लोकांच्या गर्दीने सरकारला फरक पडत नाही. लाखोंच्या संख्येने लोक जमवून सरकारला झुकवण्यासाठीच ४ तारखेपर्यंतचा वेळ घेतल्याचे राऊत यांनी स्पष्ट केले.
याचबरोबर २ ऑक्टोबर रोजी अभिजित दीपके यांच्या अराजकीय कार्यक्रमाला शिवसेनेचा पहिल्या दिवसापासून पूर्ण पाठिंबा असल्याचे त्यांनी सांगितले. राजकीय पक्षांचे सर्वाधिक नुकसान झाल्याने ४ तारखेच्या मोर्चासाठी काँग्रेस आणि राष्ट्रवादीसोबत चर्चा करणार असल्याचे ते म्हणाले. राहुल गांधी सातत्याने निवडणूक आयोगाच्या प्रश्नांवर जनजागृती करत आहेत, त्यामुळे महाराष्ट्रातही सर्वांनी एकत्र यावे अशी दोन्ही ठाकरे बंधूंची इच्छा असल्याचे राऊत म्हणाले.
काँग्रेसच्या २८ सप्टेंबर रोजी होणाऱ्या स्वतंत्र आंदोलनावर भाष्य करताना राऊत यांनी स्पष्ट भूमिका मांडली. इंडिया आघाडीमध्ये आपण सर्वजण असून राष्ट्रीय पातळीवर जर आम्ही राहुल गांधी आणि मल्लिकार्जुन खरगे यांचे नेतृत्व मानत असू, तर महाराष्ट्रातही एकत्र चर्चा करून निर्णय घेणे आवश्यक आहे. प्रत्येक वेळी वेगळी भूमिका मांडून चालत नाही, हे काँग्रेसने लक्षात ठेवले पाहिजे, असे राऊत यांनी सुनावले.
📌 महत्वाच्या बातम्या
- “ते व्होट चोरी म्हणतात, पण त्यांचा मेंदूच चोरीला गेलाय”; ईव्हीएम आणि निवडणूक आयोगावरून फडणवीसांचा हल्लाबोल
- २०२७ चा वनडे वर्ल्ड कप अखेरचा; ट्रॉफी जिंकण्यासाठी सर्वस्व पणाला लावणार – विराट कोहली
- ‘मंत्र्यांच्या गाड्या आडवा, शेतकऱ्यांसाठी जेलमध्ये जाण्याचीही तयारी’; पंढरपुरातून सुप्रिया सुळेंचा सरकारला थेट इशारा
Quick Answers
मुख्य निवडणूक आयुक्त ज्ञानेश कुमार यांच्या प्रवृत्तीविरोधात येत्या ४ ऑक्टोबर रोजी देशाच्या इतिहासातील सर्वात मोठा मोर्चा काढण्यात येणार असल्याची घोषणा संजय राऊत यांनी केली आहे.
ज्ञानेश कुमार हे लोकशाही आणि संविधानाची हत्या करत असून, मोदी आणि शाहांना जे हवे ते करण्यासाठी निर्णय देत असल्याचा आरोप संजय राऊत यांनी केला आहे.
या महामोर्चासंदर्भात शिवसेना पक्षप्रमुख उद्धव ठाकरे आणि राज ठाकरे यांच्यात सविस्तर चर्चा झाली असून, महाराष्ट्राची ताकद आणि संताप दाखवण्यासाठी स्वतंत्र मोर्चा काढण्यावर एकमत झाले आहे.
सर्वोच्च न्यायालयातील काही न्यायाधीश दबावाखाली आणि प्रलोभनाच्या छायेखाली असून त्यांना ब्लॅकमेल केले जात असल्याचा दावा संजय राऊत यांनी केला आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
वाचकांचे महत्त्वाचे प्रश्न
संजय राऊत यांनी ४ ऑक्टोबर रोजी काय घोषणा केली आहे?
खासदार संजय राऊत यांनी येत्या ४ ऑक्टोबर रोजी देशाच्या इतिहासातील सर्वात मोठा महामोर्चा काढण्याची घोषणा केली आहे. हा मोर्चा मुख्य निवडणूक आयुक्त ज्ञानेश कुमार यांच्या कार्यपद्धतीविरोधात आणि निवडणूक आयोगाच्या मनमानी कारभाराच्या निषेधार्थ मुंबईत काढण्यात येणार आहे.
निवडणूक आयोगाने 'एसआयआर' (SIR) प्रक्रियेच्या नावाखाली मतदारांची मोठी फसवणूक करून हुकूमशाही पद्धतीने काम चालवल्याचा आरोप विरोधकांकडून केला जात आहे. ज्ञानेश कुमार हे पंतप्रधान नरेंद्र मोदी आणि केंद्रीय गृहमंत्री अमित शाह यांच्या इशाऱ्यावर निर्णय घेत असून ते लोकशाही आणि संविधानाची हत्या करत आहेत, अशी घणाघाती टीका संजय राऊत यांनी केली आहे.
विशेष म्हणजे, या महामोर्चासाठी महाराष्ट्र नवनिर्माण सेनेचे अध्यक्ष राज ठाकरे आणि शिवसेना (उद्धव बाळासाहेब ठाकरे) पक्षप्रमुख उद्धव ठाकरे हे दोन्ही बंधू एकत्र आले आहेत. हा केवळ कोणत्याही एका पक्षाचा मोर्चा नसून तो जनतेचा आणि संपूर्ण राजकीय व्यवस्थेचा आवाज ठरावा, यासाठी सर्व विरोधी पक्षांनी व नागरिकांनी मोठ्या संख्येने सहभागी व्हावे, असे आवाहन करण्यात आले आहे. लाखोंच्या संख्येने लोक रस्त्यावर उतरवून निवडणूक आयोगाच्या आणि सरकारच्या दडपशाहीविरोधात जनक्षोभ दाखवून देण्याचा या आंदोलनाचा उद्देश असल्याचे राऊत यांनी स्पष्ट केले.
ही उत्तरे AI च्या सहाय्याने तयार झाली असून संपादकीय मंजुरीनंतर प्रकाशित करण्यात आली आहेत.
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
