बॉलिवूडचा ‘दबंग’ सलमान खान (Salman Khan) समोर आला की भल्याभल्यांची बोलती बंद होते. भाईजानच्या एका लूकवर चाहते फिदा होतात. पण, लाखोंच्या गर्दीत सलमानला चक्क ‘इग्नोर’ केल्याचा प्रकार घडलाय, असं सांगितलं तर तुमचा विश्वास बसेल? होय, नुकतंच एका कार्यक्रमात असं काही घडलं की, खुद्द सलमानलाही हसू आवरलं नाही.
सध्या सोशल मीडियावर सलमान खानचा एक विडिओ (Video) तुफान व्हायरल होत आहे. हा किस्सा घडलाय ‘इंडियन स्ट्रीट प्रीमियर लीग’ (ISPL) च्या उद्घाटन सोहळ्यात. या कार्यक्रमात सलमान खान उपस्थित होता. तिथे एका ‘रोबोट’ला पाहून भाईजान जाम खुश झाला. लहान मुलासारख्या कुतूहलाने सलमानने त्या रोबोटशी हात मिळवण्यासाठी हात पुढे केला, पण समोरून काहीच रिस्पॉन्स आला नाही!
Salman Khan Viral Video
सलमानने हात पुढे केला तरी रोबोटने कोणतीही हालचाल केली नाही. जणू काही तो सलमानला ‘ॲटिट्यूड’ दाखवत होता. हा प्रसंग पाहून आजूबाजूला एकच हंशा पिकला. अखेर तिथे उभ्या असलेल्या एका तंत्रज्ञाने रोबोटचा सेन्सर तपासला आणि काही सेकंदात रोबोट ॲक्टिव्ह झाला. त्यानंतर त्याने सलमानशी शेक-हँड केला. हे पाहून सलमानलाही स्वतःचं हसू आवरलं नाही आणि त्याने रोबोटचं कौतुक केलं.
हा व्हिडिओ समोर येताच नेटकऱ्यांनी कमेंट्सचा पाऊस पाडला आहे. एका युजरने लिहिलंय, “अखेर भाईजानला ॲटिट्यूड दाखवणारा कोणीतरी भेटला.” तर दुसऱ्याने मजेत म्हटलंय, “रोबोट भाईवर नाराज दिसतोय.” काहींनी तर “भाईचा स्वॅग रोबोटला झेपला नाही,” अशी कोटी केली आहे.
दरम्यान, सलमान खान सध्या त्याच्या आगामी ‘बॅटल ऑफ गलवान’ (Battle of Galwan) या सिनेमामुळे चर्चेत आहे. भारत-चीन संघर्षावर आधारित हा सिनेमा 17 एप्रिल 2026 रोजी रिलीज होणार आहे. यामध्ये चित्रांगदा सिंह आणि भाईजानची जोडी दिसणार असून, अपूर्व लाखियाने याचं दिग्दर्शन केलं आहे.
📌 महत्वाच्या बातम्या
- टीकाकारांना सडेतोड उत्तर! मालिका गाजवल्यावर सूर्यकुमार यादवने सगळा राग काढला म्हणाला…,
- ईशानचं वादळी शतक अन् अर्शदीपचा ‘पंजा’; भारताने न्यूझीलंडचा सुपडा साफ करत वर्ल्डकपचे रणशिंग फुंकले!
- ‘हे एक षडयंत्र..बरोबर ना?’ अजित पवारांच्या निधनावर राखी सावंतचा दावा, दुसरीकडे सुनेत्रा पवारांबाबत मोठी अपडेट!
