लग्नाची तारीख नक्की ठरली की नाही, हे अजून गुलदस्त्यात आहे, पण त्याआधीच आकड्यांचा खेळ सुरू झालाय… नॅशनल क्रश रश्मिका मंदाना (Rashmika Mandanna) आणि विजय देवरकोंडा (Vijay Deverakonda) यांच्या लग्नाच्या बातम्यांनी सध्या इंडस्ट्रीत धुमाकूळ घातलाय. चाहते ‘सनई-चौघडे’ कधी वाजणार याची वाट पाहत असतानाच, आता एक थक्क करणारी माहिती समोर आली आहे. या शाही लग्नासाठी एका बड्या ओटीटी प्लॅटफॉर्मने पैशांची थैली रिकामी करण्याची तयारी दर्शवली होती, पण दाक्षिणात्य सिनेसृष्टीतील या ‘पॉवर कपल’ने पैशाला नाही तर प्रायव्हसीला महत्त्व दिल्याची चर्चा आहे.
‘नेटफ्लिक्स’ने (Netflix) रश्मिका आणि विजयला त्यांच्या लग्नाचे स्ट्रीमिंग राइट्स (Streaming Rights) विकण्यासाठी गळ घातली होती. ही ऑफर काही साधीसुधी नव्हती, तर तब्बल ६० कोटी रुपये देण्याची तयारी कंपनीने दाखवली होती.
Rashmika Vijay Reject Netflix Offer
सेलिब्रिटी लग्नाचे व्हिडिओ ओटीटीवर विकण्याचा ट्रेंड सध्या जोरात आहे, नयनतारापासून ते हंसिकापर्यंत अनेकांनी याचा फायदा घेतलाय. त्यामुळे रश्मिका-विजय काय निर्णय घेणार, याकडे सर्वांचे लक्ष होते.
सूत्रांनी दिलेल्या माहितीनुसार, विजय आणि रश्मिकाने ही ६० कोटींची ऑफर चक्क नाकारली आहे. लग्नासारखा खाजगी सोहळा ‘पब्लिक इव्हेंट’ होऊ नये, अशी त्यांची इच्छा आहे. भूतकाळातील काही वादांमुळे (Controversies) आणि मीडियाच्या अतिउत्साहामुळे त्यांना लग्नात कोणतीही ‘रिस्क’ घ्यायची नाहीये. त्यामुळे कोट्यवधींचा तोटा सहन करून त्यांनी हा निर्णय घेतल्याचे बोलले जात आहे.
सोशल मीडियावर २६ फेब्रुवारी ही तारीख व्हायरल होत आहे, पण याबाबत अद्याप दोघांकडूनही अधिकृत दुजोरा मिळालेला नाही. नुकतीच रश्मिका एअरपोर्टवर दिसली होती, तेव्हा पत्रकारांनी लग्नाबद्दल छेडले असता ती फक्त गालातल्या गालात हसली. त्यावरून ‘काहीतरी शिजतंय’ एवढं मात्र नक्की!
📌 महत्वाच्या बातम्या
- IND vs PAK: विजयाचा जल्लोष बाजूला, कॅप्टन सूर्या ‘त्या’ एका गोष्टीमुळे भडकला; डोळे वटारले अन्…
- सचिनच्या ट्रोलिंगवर अशोक सराफ भडकले; म्हणाले, “तरुणपणीच त्यानं…”, नेटकऱ्यांना दिलं ओपन चॅलेंज!
- “आता ती धडधड होत नाही…”; भारत-पाक सामन्यावर हर्षा भोगलेंची अत्यंत जळजळीत टीका!
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
