अयोध्या : राम मंदिरातील देणगी चोरी प्रकरणी (Ram Mandir Theft ) विशेष तपास पथकाने (SIT) तपास पूर्ण करून आठ आरोपींविरुद्ध आरोपपत्र दाखल केले आहे. या प्रकरणात श्री राम जन्मभूमी तीर्थ क्षेत्र ट्रस्टशी संबंधित असलेले चंपत राय, अनिल मिश्रा आणि गोपाल राव यांना तपासात निर्दोष ठरवण्यात आले असून त्यांना ‘क्लीन चिट’ देण्यात आली आहे.
या प्रकरणात पोलिसांनी एकूण १३३ साक्षीदारांची नावे दिली आहेत. देणगी चोरीप्रकरणी एफआयआर दाखल करणारे कृष्ण मोहन हे यातील पहिले साक्षीदार आहेत. तसेच, चंपत राय, अनिल मिश्रा आणि गोपाल राव यांनाही साक्षीदार बनवण्यात आले आहे. याशिवाय कोतवाली निरीक्षक, राम जन्मभूमी पोलीस ठाण्याचे निरीक्षक आणि अयोध्या पोलीस प्रमुख यांच्यासह एकूण २७ पोलीस कर्मचारीही या प्रकरणात साक्षीदार आहेत. सीसीटीव्ही फुटेज, जप्त केलेली रक्कम, बँक खात्याची कागदपत्रे आणि साक्षीदारांचे जबाब या पुराव्यांच्या आधारे पोलिसांनी हे आरोपपत्र दाखल केले आहे.
पोलिसांच्या तपासात सीसीटीव्ही फुटेज अत्यंत महत्त्वपूर्ण पुरावा ठरला आहे. आरोपी अविनाश शुक्ला हा देणगी चोरताना सर्वाधिक वेळा म्हणजे तब्बल ८५ वेळा आणि चार वेळा चोरीत मदत करताना सीसीटीव्हीमध्ये कैद झाला आहे. यासोबतच करुणेश पांडेवर दोनदा चोरी आणि ६८ वेळा मदत केल्याचा, लव कुश मिश्रावर एकदा चोरी आणि ५२ वेळा मदत केल्याचा, तर अनुकल्प मिश्रावर ५६ वेळा चोरीत मदत केल्याचा आरोप आहे. रामाशंकर मिश्रावरही एकदा चोरी केल्याचा ठपका ठेवण्यात आला आहे.
तपासानुसार, रामाशंकर यादव उर्फ टिन्नू यादवचा भाचा मनीष यादव एप्रिल २०२६ मध्ये कामावर रुजू झाला होता. त्याने १५ एप्रिल ते ३ जून या कालावधीत स्वतः १६ वेळा चोरी केली आणि इतरांना १९ वेळा मदत केली. आपल्या सुमारे ५० दिवसांच्या नोकरीच्या काळात तो ३५ वेळा चोरीत सामील असल्याचे उघड झाले आहे. मनीष यादवला कामावर ठेवल्यानंतरच आरोपींनी एकत्र मिळून मोठ्या रकमा चोरण्यास सुरुवात केल्याचा दावा पोलिसांनी केला आहे.
या प्रकरणात निवृत्त बँक कर्मचारी सुभाष श्रीवास्तव यांच्या भूमिकेचाही खुलासा झाला आहे. ७ जानेवारी २०२२ पासून देणगी पेटीत जमा झालेली रक्कम बँकेत भरण्याची जबाबदारी त्यांच्यावर होती. मात्र, मोठ्या रकमा चोरण्यासाठी आरोपींनी त्यांना आपल्यात सामील करून घेतले. त्यांच्याच सांगण्यावरून सुरक्षा रक्षकांनी आरोपींच्या येण्या-जाण्यावर लक्ष ठेवले नसल्याचा आरोप आहे. पोलिसांनी या चोरीत अटक केलेल्या सात आरोपींकडून एकूण ७९,८५,४९३ रुपये जप्त केले आहेत. तसेच, सर्व आठ आरोपींच्या बँक खात्यांमध्ये एकूण ९८,३०,००० रुपये जमा असल्याची पुष्टीही तपासातून झाली आहे.
📌 महत्वाच्या बातम्या
- ज्ञानेश कुमारांविरोधात ठाकरे बंधू एकत्र; ४ ऑक्टोबरला मुंबईत भव्य जनमोर्चाची हाक
- राज्यातील २६५ तालुक्यांत कोरडा दुष्काळ जाहीर; शेतकऱ्यांना लवकरच मदत मिळणार
- राज्यातील २६५ तालुक्यांत दुष्काळ जाहीर; शेतकऱ्यांसाठी विविध सवलतींचा शासन निर्णय जारी
Quick Answers
या प्रकरणात श्री राम जन्मभूमी तीर्थ क्षेत्र ट्रस्टशी संबंधित चंपत राय, अनिल मिश्रा आणि गोपाल राव यांना तपासात निर्दोष ठरवून 'क्लीन चिट' देण्यात आली आहे.
विशेष तपास पथकाने (SIT) तपास पूर्ण करून एकूण आठ आरोपींविरुद्ध आरोपपत्र दाखल केले आहे.
पोलिसांच्या माहितीनुसार, आरोपी अविनाश शुक्ला हा सर्वाधिक म्हणजे ८५ वेळा चोरी करताना सीसीटीव्हीमध्ये कैद झाला आहे. याशिवाय इतर आरोपींनीही चोरी करताना किंवा चोरीत मदत करताना सीसीटीव्ही फुटेजमध्ये अनेक वेळा त्यांची भूमिका स्पष्ट झाली आहे.
पोलिसांनी या चोरीप्रकरणी अटक केलेल्या सात आरोपींकडून एकूण ७९,८५,४९३ रुपये जप्त केले आहेत.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
