प्रतिनिधी, 5 ऑक्टोबर: प्राप्तिकर विभागाने (IT) टाकलेल्या छाप्यांशी आपला कोणताही संबंध नसल्याचे अभिनेत्री रकुल प्रीत सिंह (Rakul Preet Singh) हिने स्पष्ट केले आहे. काही दिवसांपूर्वी निर्माते वासू भगनानी, जॅकी भगनानी, पॅनोरमा स्टुडिओज आणि रकुल यांच्याशी संबंधित ठिकाणांवर आयटीचे छापे पडल्याच्या बातम्या समोर आल्या होत्या. मात्र, या निव्वळ अफवा असून आपल्याशी संबंधित कोणत्याही ठिकाणी छापा पडलेला नाही, असा खुलासा तिने इन्स्टाग्रामवरील एका पोस्टद्वारे केला आहे.
या चर्चांवर नाराजी व्यक्त करत रकुलने आपली भूमिका स्पष्ट केली. हे सर्च ऑपरेशन आपल्याशी संबंधित नव्हते, असे सांगत ती म्हणाली की, “सगळ्यांना माहीत असेल, की मी आर्मी बॅकग्राऊंडमधून येते आणि या इंडस्ट्रीत माझ्या मागे कोणताही गॉडफादर नव्हता. मी केवळ माझ्या मेहनतीच्या जोरावर स्वतःची ओळख निर्माण केली आहे.” आपण एक जबाबदार आणि कायद्याचे पालन करणारी नागरिक असून वयाच्या विसाव्या वर्षापासून नियमितपणे संपूर्ण कर भरत असल्याचेही तिने निवेदनात नमूद केले आहे.
परदेशातील कथित बेकायदेशीर व्यवहारांच्या वृत्ताचेही तिने खंडन केले. कोणत्याही प्रॉडक्शन हाऊसच्या माध्यमातून किंवा वैयक्तिक पातळीवर आपण अशा बेकायदेशीर परदेशी व्यवहारांचा भाग नसल्याचा दावा तिने केला. देशात किंवा परदेशात आपल्या नावावर कोणतीही बेनामी मालमत्ता नाही, असे सांगत रकुलने स्पष्ट केले की, तिला कधीही कुणी मालमत्ता भेट म्हणून दिलेली नाही आणि तिच्या तत्त्वांनुसार ती अशा महागड्या भेटवस्तू स्वीकारतही नाही.
कामाच्या आघाडीवर बोलायचे झाल्यास, रकुल प्रीत सिंह नुकतीच आयुष्मान खुराना, सारा अली खान आणि वामिका गब्बी यांच्यासोबत ‘पती पत्नी और वो दो’ या चित्रपटात दिसली होती. त्यापूर्वी मागील वर्षी ती अजय देवगणसोबत ‘दे दे प्यार दे २’ मध्ये झळकली होती. आगामी काळात ती रणबीर कपूरच्या बहुचर्चित ‘रामायण’ चित्रपटात रावणाची बहीण शूर्पणखेची भूमिका साकारताना दिसणार आहे.
📌 महत्वाच्या बातम्या
- एमपीएससी विद्यार्थ्यांच्या आंदोलनात फूट पाडण्याचा प्रयत्न; सचिन खरात यांचा अभिजीत दिपकेंवर गंभीर आरोप
- सुधारित ‘फॉर्म ६’ ला आमची मंजुरी नाही; सर्वोच्च न्यायालयाने निवडणूक आयोगाचा दावा फेटाळला
- आदित्य ठाकरेंचा पासपोर्ट जप्त करून लुकआऊट नोटीस काढा; नितेश राणेंचा मोठा आरोप
Quick Answers
प्राप्तिकर विभागाने टाकलेल्या छाप्यांशी आपला कोणताही संबंध नसून या निव्वळ अफवा आहेत, असे रकुल प्रीत सिंहने इन्स्टाग्राम पोस्टद्वारे स्पष्ट केले आहे. तसेच आपल्याशी संबंधित कोणत्याही ठिकाणी छापा पडलेला नाही, असा खुलासाही तिने केला.
आपण कायद्याचे पालन करणारी नागरिक असून वयाच्या विसाव्या वर्षापासून नियमित कर भरत असल्याचे रकुलने सांगितले. तसेच देशात किंवा परदेशात आपल्या नावावर कोणतीही बेनामी मालमत्ता नाही आणि आपण कधीही महागड्या भेटवस्तू स्वीकारत नाही, असेही तिने स्पष्ट केले.
रणबीर कपूरच्या 'रामायण' या चित्रपटात रकुल प्रीत सिंह रावणाची बहीण शूर्पणखेची भूमिका साकारताना दिसणार आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
