🕒 1 min read
पडद्यावर आपल्या अफलातून कॉमेडीने प्रेक्षकांना खळखळून हसवणाऱ्या ‘छोट्या पंडित’वर खऱ्या आयुष्यात मात्र रडण्याची वेळ आलीये, हे आपण सर्वच जाणतो. चेक बाऊन्स प्रकरणात बॉलिवूड अभिनेता राजपाल यादव (Rajpal Yadav) सध्या तुरुंगात आहेत. पण, अचानक सोशल मीडियावर एक व्हिडिओ असा काही व्हायरल झालाय की, ज्यामुळे सगळीकडेच खळबळ उडाली आहे. “सलमान भाईंनी (Salman Khan) मदत केली आणि राजपाल यादव सुटले,” अशा चर्चांना या व्हिडिओमुळे उधाण आलंय. भावनांच्या भरात या व्हिडिओवर विश्वास ठेवण्याआधी सत्य जाणून घ्या.
सोशल मीडियावर (Social Media) फिरणाऱ्या या व्हिडिओत राजपाल यादव तुरुंगातून बाहेर आल्याचा आनंद व्यक्त करताना दिसतायत. एवढंच नाही तर “सलमान भाई मोठ्या भावासारखे आहेत, ते नेहमी मदतीला धावून येतात,” असं म्हणत त्यांनी भाईजानचे आभारही मानलेत. हा व्हिडिओ पाहून चाहत्यांनी सुटकेचा निश्वास टाकला खरा, पण सावधान! हा व्हिडिओ पूर्णपणे दिशाभूल करणारा आहे.
Rajpal Yadav Viral Video
आमच्या पडताळणीत समोर आलंय की, राजपाल यादव अजूनही तुरुंगातच आहेत. सध्या व्हायरल होत असलेला हा व्हिडिओ आजचा नसून चक्क २०१८ सालचा जुना व्हिडिओ आहे, जो आता पुन्हा चुकीच्या संदर्भाने पसरवला जात आहे.
२०१० मध्ये ‘अता पता लापता’ या सिनेमासाठी राजपाल यांनी ५ कोटींचे कर्ज घेतले होते. दुर्दैवाने सिनेमा बॉक्स ऑफिसवर आदळला आणि कर्जाचा डोंगर वाढत जाऊन आकडा ९ कोटींवर पोहोचला. चेक बाऊन्स प्रकरणात न्यायालयाने त्यांना शिक्षा सुनावली आहे. सध्या अजय देवगण (Ajay Devgn), वरुण धवन आणि सोनू सूद यांसारखे स्टार्स मदतीसाठी पुढे आल्याच्या चर्चा आहेत, पण अद्याप राजपाल यांच्या सुटकेबाबत कोणतीही अधिकृत माहिती समोर आलेली नाही. त्यामुळे जुन्या व्हिडिओवर विश्वास ठेवून अफवा पसरवू नका.
📌 महत्वाच्या बातम्या
- प्रत्येक पिवळ सोनं नाही… तुम्ही खरेदी करताय ते सोने-चांदी किती शुद्ध? ‘हा’ ॲप डाऊनलोड करा, घरबसल्या चेक करा
- ‘महाराष्ट्राची हास्यजत्रा’ फेम नम्रता संभेरावचं शेतात फोटोशूट; ओळखणंही झालं कठीण, पाहून नेटकरी फिदा!
- अक्षयने मृणालला भर कार्यक्रमात छेडलं; धनुषसोबतच्या लग्नाच्या चर्चांवर अभिनेत्रीने ‘ते’ सत्य सांगितलं!
बातम्यांसाठी YouTube चॅनेल Subscribe करा
Subscribe Now
