पुणे, 9 ऑक्टोबर: पुण्यातील एमपीएससी (MPSC) विद्यार्थ्यांच्या आंदोलनासंदर्भात एक मोठी आणि महत्त्वाची घडामोड समोर आली आहे. आंदोलनात सहभागी असलेल्या १५ विद्यार्थ्यांवर गुन्हे (FIR) दाखल करण्यात आल्यानंतर आमदार रोहित पवार (Rohit Pawar) आक्रमक झाले आहेत. आजची बैठक या आंदोलनासंदर्भातील शेवटची बैठक असू शकते, अशी शक्यता रोहित पवार यांनी वर्तवली आहे.
विद्यार्थ्यांवर दाखल करण्यात आलेल्या गुन्ह्यांवर बोलताना रोहित पवार यांनी गंभीर आरोप केले आहेत. विद्यार्थ्यांच्या हातात दगड आणि रॉकेट होते, असा दावा करत त्यांच्यावर गुन्हे दाखल करण्यात आले असून या माध्यमातून विद्यार्थ्यांना बदनाम करण्याचा प्रयत्न केला जात असल्याचा आरोप पवार यांनी केला. तसेच ही परिस्थिती एक प्रकारे चांगली असून, ज्यांना जे समजायचे ते समजून घेतील, अशी प्रतिक्रियाही त्यांनी दिली आहे.
पुण्यातील एमपीएससी विद्यार्थ्यांच्या आंदोलनात दररोज नवनवीन घडामोडी घडत आहेत. या आंदोलनाला पाठिंबा देण्यासाठी अनेक मान्यवर भेट देणार असल्याची माहिती रोहित पवार यांनी दिली. यामध्ये राकेश टिकैत, माजी आयएएस अधिकारी कन्नन गोपीनाथन, अमोल मिटकरी, रमाकांत दादा कोंडुस्कर आणि रिया अहीर हे या आंदोलनाला भेट देणार आहेत.
गांधी जयंतीच्या मुहूर्तावर, २ ऑक्टोबरपासून पुण्यामध्ये एमपीएससी विद्यार्थ्यांचे हे आंदोलन सुरू आहे. पुणे शहरातील पत्रकार भवन आणि एस. एम. जोशी पूल यासह विविध ठिकाणी विद्यार्थ्यांकडून सत्याग्रह आणि निदर्शने केली जात आहेत. एमपीएससीचे अध्यक्ष विवेक भीमनवारव यांनी राजीनामा द्यावा, एमपीएससी पदांची वेळेवर भरती व्हावी आणि आयोगाच्या सर्व प्रक्रिया पारदर्शक कराव्यात, या प्रमुख मागण्यांसाठी विद्यार्थी रस्त्यावर उतरले आहेत.
📌 महत्वाच्या बातम्या
- नाना पाटेकर आणि माधुरी दीक्षित यांची ठरलेली भेट अधुरीच; ‘कोण होणार करोडपती’च्या मंचावर येणार होते एकत्र
- स्टायलिश क्रॉप टॉप आणि डेनिम जीन्स; मिथिला पालकरच्या नव्या लूकने वेधलं सर्वांचं लक्ष
- MPSC पेपरफुटीच्या न्यायालयीन चौकशीची शासनाची तयारी; मात्र अध्यक्षांचा राजीनामा का? देवेंद्र फडणवीसांचा सवाल
Quick Answers
विद्यार्थ्यांच्या हातात दगड आणि रॉकेट होते, असा दावा करत त्यांच्यावर गुन्हे दाखल करण्यात आले आहेत. या माध्यमातून विद्यार्थ्यांना बदनाम करण्याचा प्रयत्न केला जात असल्याचा आरोप आमदार रोहित पवार यांनी केला आहे.
रोहित पवार यांनी दिलेल्या माहितीनुसार, राकेश टिकैत, माजी आयएएस अधिकारी कन्नन गोपीनाथन, अमोल मिटकरी, रमाकांत दादा कोंडुस्कर आणि रिया अहीर हे मान्यवर आंदोलनाला भेट देणार आहेत.
हे आंदोलन २ ऑक्टोबर रोजी गांधी जयंतीच्या मुहूर्तावर सुरू झाले. पुणे शहरातील पत्रकार भवन आणि एस. एम. जोशी पूल यासह विविध ठिकाणी विद्यार्थ्यांकडून सत्याग्रह आणि निदर्शने केली जात आहेत.
एमपीएससीचे अध्यक्ष विवेक भीमनवारव यांनी राजीनामा द्यावा, एमपीएससी पदांची वेळेवर भरती व्हावी आणि आयोगाच्या सर्व प्रक्रिया पारदर्शक कराव्यात, या विद्यार्थ्यांच्या प्रमुख मागण्या आहेत.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
