प्रतिनिधी, 24 ऑक्टोबर: मनोज जरांगे पाटील यांनी उघड केलेल्या ५०० कोटींच्या कथित ऑडिओ क्लिपवरून महाराष्ट्राच्या राजकारणात खळबळ उडाली आहे. या पार्श्वभूमीवर काँग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांनी एक मोठा दावा केला आहे. मनोज जरांगे पाटील आणि उपमुख्यमंत्री एकनाथ शिंदे यांचे नेतृत्व संपवण्यासाठी रचलेला हा कुटील डाव असल्याचे चव्हाण (Prithviraj Chavan) यांनी म्हटले आहे. तसेच, या ऑडिओ क्लिपचे तांत्रिक आणि फॉरेन्सिक विश्लेषण केले जावे, अशी मागणीही त्यांनी केली.
सध्याच्या राजकीय घडामोडींवर बोलताना चव्हाण यांनी काँग्रेसचे ज्येष्ठ नेते सुशीलकुमार शिंदे यांच्या भाजप प्रवेशाच्या चर्चेवरही भाष्य केले. भाजपने शिंदे यांना पक्षप्रवेशाची ऑफर दिली असण्याची शक्यता आहे, मात्र त्यांनी ती नाकारल्याचे चव्हाण म्हणाले. कोल्हापूरमधील गोकुळ दूध संघाच्या निकालावर प्रतिक्रिया देताना त्यांनी सतेज पाटील यांचे अभिनंदन केले. २५-० असा एकतर्फी निकाल लागेल आणि गुलाल खेळता येईल या अपेक्षेने मुख्यमंत्री कोल्हापुरात गेले होते, परंतु कोल्हापूरकरांनी त्यांना नाकारले, अशी टीका करत देशात परिवर्तन अटळ असल्याचा दावा चव्हाण यांनी केला.
दुसरीकडे, ठाकरे गटाचे नेते चंद्रकांत खैरे यांनीही भाजप आणि शिवसेना शिंदे गटावर गंभीर आरोप केले आहेत. मनोज जरांगे पाटील यांना मोठे कोणी केले आणि आता त्यांनाच बाजूला करण्याचा प्रयत्न का होत आहे, असा सवाल खैरे यांनी विचारला. जरांगे यांनी मराठा समाजाला न्याय आणि हक्क मिळवून देण्यासाठी प्रयत्न केल्याने समाज त्यांच्या पाठीशी उभा राहिला. मात्र, त्यांच्या वाढत्या प्रभावामुळे राजकीय नेत्यांना आता आपले काय होणार, हा प्रश्न पडल्याचा दावा खैरे यांनी केला.
या वादग्रस्त ऑडिओ क्लिपची फॉरेन्सिक तपासणी करून सत्य जनतेसमोर आणावे, अशी मागणी खैरे यांनी केली आहे. या प्रकरणात मुख्यमंत्र्यांचे नाव चर्चेत असल्यामुळे त्यांनी स्वतः निर्णय न घेता सरकारने याची निष्पक्ष चौकशी करावी, असे ते म्हणाले. ५०० कोटींच्या कथित व्यवहारात डॉ. श्रीकांत शिंदे यांचे नाव घेतले जात असेल, तर त्यांचीही चौकशी झाली पाहिजे, अशी आग्रही भूमिका त्यांनी मांडली. या संपूर्ण प्रकरणामागे भाजप, शिवसेना शिंदे गट आणि केंद्रीय गृहमंत्री अमित शाह यांचा आशीर्वाद असल्याचा आरोपही खैरे यांनी केला.
📌 महत्वाच्या बातम्या
- फडणवीसांनी साथ दिली नसती तर शिंदेंचा जीव धोक्यात आला असता; रामदास कदमांच्या आरोपांवर नितेश राणेंचा पलटवार
- रामदास कदम आक्रमक नेते, प्रसाद लाडांनी त्यांच्या वयाचा आदर राखावा; ऑडिओ क्लिप वादावर उदय सामंतांची प्रतिक्रिया
- भाजपसोबत राहायचं आणि शिव्या घालायच्या हे खपवून घेणार नाही; रामदास कदमांच्या टीकेवर दरेकरांचा पलटवार
Quick Answers
मनोज जरांगे पाटील आणि उपमुख्यमंत्री एकनाथ शिंदे यांचे नेतृत्व संपवण्यासाठी रचलेला हा कुटील डाव असल्याचा दावा पृथ्वीराज चव्हाण यांनी केला आहे. तसेच त्यांनी या ऑडिओ क्लिपचे तांत्रिक आणि फॉरेन्सिक विश्लेषण करण्याची मागणीही केली आहे.
पृथ्वीराज चव्हाण यांच्या म्हणण्यानुसार, भाजपने सुशीलकुमार शिंदे यांना पक्षप्रवेशाची ऑफर दिली असण्याची शक्यता आहे, मात्र त्यांनी ती नाकारली.
चंद्रकांत खैरे यांनी या वादग्रस्त ऑडिओ क्लिपची फॉरेन्सिक तपासणी करून सत्य जनतेसमोर आणण्याची मागणी केली आहे. तसेच ५०० कोटींच्या कथित व्यवहारात नाव घेतले जात असेल तर डॉ. श्रीकांत शिंदे यांचीही चौकशी झाली पाहिजे, असे ते म्हणाले.
चंद्रकांत खैरे यांच्या आरोपानुसार, या संपूर्ण प्रकरणामागे भाजप, शिवसेना शिंदे गट आणि केंद्रीय गृहमंत्री अमित शाह यांचा आशीर्वाद आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
