प्रतिनिधी, 24 ऑक्टोबर: आगामी २०२७ च्या उत्तर प्रदेश विधानसभा निवडणुकीसाठी भाजपने जोरदार तयारी सुरू केली आहे. मुख्यमंत्री योगी आदित्यनाथ आणि राज्याचे प्रभारी विनोद तावडे यांच्या नेतृत्वाखाली पक्षाने नवी रणनीती आखली आहे. या अंतर्गत सुमारे १२५ मतदारसंघांमध्ये सर्व्हे करण्यात आला असून, निवडून येण्याची क्षमता असलेल्या उमेदवारांनाच प्राधान्य देण्याचा पक्षाचा विचार आहे. त्यामुळे काही विद्यमान आमदारांचे तिकीट कापले जाण्याची दाट शक्यता आहे.
सध्या उत्तर प्रदेशात भाजपचे काम दोन वेगवेगळ्या पातळ्यांवर सुरू आहे. मुख्यमंत्री योगी आदित्यनाथ हे दररोज नवनव्या जिल्ह्यांचे दौरे करत आहेत. या दौऱ्यांमध्ये ते स्थानिक परिस्थितीचा आढावा घेत असून जनतेच्या समस्या सोडवण्यावर त्यांनी भर दिला आहे. दुसरीकडे, प्रभारी विनोद तावडे हे संघटनात्मक पातळीवर धुरा सांभाळत असून ते स्थानिक पदाधिकारी आणि कार्यकर्त्यांशी थेट संवाद साधत आहेत.
भाजपच्या सूत्रांनी दिलेल्या माहितीनुसार, संघटनेच्या विविध पातळ्यांवरून माहिती गोळा करत आतापर्यंत १२५ जागांचा आढावा घेण्यात आला आहे. बुथ कमिटी, शक्ती केंद्र आणि स्थानिक नेत्यांकडून विद्यमान आमदारांबद्दल जनतेचे मत काय आहे, तसेच संभाव्य उमेदवारांची लोकप्रियता आणि निवडणूक जिंकण्याची क्षमता यावर ‘फिडबॅक’ घेतला जात आहे.
निवडणुकीच्या मैदानात यश मिळवून देणाऱ्या चेहऱ्यांवरच पक्षाचे प्रमुख लक्ष आहे. ज्या विद्यमान आमदारांच्या विरोधात मतदारसंघात नाराजी आहे आणि ज्यांना अँटी-इन्कम्बन्सीचा फटका बसू शकतो, त्यांच्या उमेदवारीचा पक्षाकडून फेरविचार केला जाऊ शकतो. सर्व्हेमध्ये एखाद्या आमदाराची स्थिती कमकुवत आढळल्यास त्या जागी नव्या उमेदवाराला संधी दिली जाईल, असे सूत्रांनी सांगितले. त्यामुळे आगामी निवडणुकीत भाजप उत्तर प्रदेशात मोठी ‘भाकरी फिरवणार’ असल्याचे संकेत मिळत आहेत.
📌 महत्वाच्या बातम्या
- ५०० कोटींच्या ऑडिओ क्लिपवरून राज ठाकरेंचा संताप; हा ‘लोकशाहीचा खून’, मुख्यमंत्र्यांकडे केली कारवाईची मागणी
- हॅमस्ट्रिंगच्या गंभीर दुखापतीमुळे आयुष म्हात्रेवर शस्त्रक्रिया; मुंबईच्या देशांतर्गत हंगामातून बाहेर जाण्याची शक्यता
- मतपेटीचे छिद्र छोटे, ३८ उमेदवारांची मतपत्रिका कशी जाणार? सुधीर मुनगंटीवारांचा निवडणूक प्रक्रियेवर संताप
Quick Answers
मुख्यमंत्री योगी आदित्यनाथ आणि राज्याचे प्रभारी विनोद तावडे यांच्या नेतृत्वाखाली भाजपने आगामी २०२७ च्या निवडणुकीसाठी नवी रणनीती आखली आहे.
भाजपने सुमारे १२५ मतदारसंघांमध्ये सर्व्हे केला असून, निवडून येण्याची क्षमता असलेल्या उमेदवारांनाच प्राधान्य देण्याचा पक्षाचा विचार आहे.
बुथ कमिटी, शक्ती केंद्र आणि स्थानिक नेत्यांकडून विद्यमान आमदारांबद्दल जनतेचे मत, तसेच संभाव्य उमेदवारांची लोकप्रियता आणि निवडणूक जिंकण्याच्या क्षमतेवर फिडबॅक घेतला जात आहे.
ज्या विद्यमान आमदारांच्या विरोधात मतदारसंघात नाराजी आहे आणि ज्यांना अँटी-इन्कम्बन्सीचा फटका बसू शकतो, त्यांच्या उमेदवारीचा फेरविचार केला जाऊ शकतो.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
