प्रतिनिधी, 23 ऑक्टोबर: मराठा आंदोलक मनोज जरांगे पाटील यांनी समोर आणलेल्या ऑडिओ क्लिपमुळे राजकीय वातावरण चांगलेच तापले असून, महायुतीमध्येही शाब्दिक चकमक उडाली आहे. शिवसेना शिंदे गटाचे नेते रामदास कदम यांनी भाजपवर केलेल्या टीकेला भाजप नेते प्रसाद लाड यांनी जोरदार प्रत्युत्तर दिले. या वादावर मंत्री उदय सामंत यांनी सावध भूमिका मांडली आहे. रामदास कदम हे आक्रमक स्वभावाचे आहेत, त्यामुळे त्यांचे वय आणि ज्येष्ठता लक्षात घेऊन प्रसाद लाड यांनी त्यांचा आदर राखून बोलावे, अशी विनंती सामंत (Uday Samant) यांनी केली आहे.
एकनाथ शिंदे यांना संपवण्याची सुपारी रामदास कदम यांनीच घेतली आहे की काय, असा सवाल प्रसाद लाड यांनी उपस्थित केला होता. यावर सामंत यांनी स्पष्ट केले की, महायुतीमध्ये मिठाचा खडा टाकून आमच्यात वाद लावू पाहणाऱ्यांना यशस्वी होऊ न देणे, हीच आमची भूमिका आहे. आम्ही कुठेही केवळ आरोप करत बसलो नाही. जोपर्यंत या ऑडिओ क्लिपची चौकशी होत नाही, तोपर्यंत हे कृत्य कोणी केले यावर बोलणे योग्य ठरणार नाही. काल कुणीतरी ही क्लिप ‘एआय’ (AI) ची असल्याचे म्हटले होते, त्यामुळे त्याचीही सखोल चौकशी झाली पाहिजे. आमचे नेते काल मुख्यमंत्री देवेंद्र फडणवीस यांना भेटले होते. त्यांनी या प्रकरणाची चौकशी केली जाईल असे स्पष्ट आश्वासन दिले असून, त्यानंतरच खरे चित्र समोर येईल, असेही सामंत म्हणाले.
काल आपण बोलताना कोणत्याही भाजप नेत्याचे नाव घेतले नव्हते, मात्र आज अनेक नेते पत्रकार परिषदा घेऊन बोलत असल्याकडे सामंत यांनी लक्ष वेधले. आपला स्वभाव रामदास कदम यांच्यासारखा आक्रमक नाही. ते ज्येष्ठ असल्याने आपण त्यांना विनंती करू शकत नाही, मात्र त्यांचा गैरसमज दूर करणे अत्यंत गरजेचे असल्याचे त्यांनी नमूद केले. तसेच, या ऑडिओ क्लिपचा आणि मराठा आरक्षणाचा दुरान्वयेही संबंध नसून सरकार मराठा समाजासाठी मोठ्या प्रमाणावर काम करत असल्याचे सामंत यांनी स्पष्ट केले.
विधानपरिषद निवडणुकांच्या निकालाबाबतही उदय सामंत यांनी मोठा विश्वास व्यक्त केला. पुणे शिक्षक मतदारसंघात गेल्या वेळेपेक्षा यावेळी ज्यादा मतदान झाले असून, हे वाढीव मतदान महायुतीचे उमेदवार सचिन सानप यांना नक्कीच विजयापर्यंत घेऊन जाईल, असा दावा त्यांनी केला. तर पदवीधर मतदारसंघातूनही महायुतीच्या उमेदवार स्मिता जाधव या मोठ्या मताधिक्याने निवडून येतील, असे सामंत यांनी सांगितले.
📌 महत्वाच्या बातम्या
- भाजपसोबत राहायचं आणि शिव्या घालायच्या हे खपवून घेणार नाही; रामदास कदमांच्या टीकेवर दरेकरांचा पलटवार
- रामदास कदम यांनी फालतू धंदे बंद करावेत; एकनाथ शिंदेंना पाठीमागे तुम्ही काय बोलता, याच्या क्लिप्स आमच्याकडे- प्रसाद लाड
- रामदास कदम म्हणजे क्रॅक जॅक संघटना; तूच बाटली पि, कशाची बाटली तुला कळेल, तुझ्याकडेच बार – मनोज जरांगे
Quick Answers
एकनाथ शिंदे यांना संपवण्याची सुपारी रामदास कदम यांनीच घेतली आहे की काय, असा सवाल प्रसाद लाड यांनी उपस्थित केला होता.
रामदास कदम हे आक्रमक स्वभावाचे आहेत, त्यामुळे त्यांचे वय आणि ज्येष्ठता लक्षात घेऊन प्रसाद लाड यांनी त्यांचा आदर राखून बोलावे, अशी विनंती उदय सामंत यांनी केली आहे.
सामंत यांच्या माहितीनुसार, नेते मुख्यमंत्री देवेंद्र फडणवीस यांना भेटले होते आणि फडणवीस यांनी या प्रकरणाची चौकशी केली जाईल असे स्पष्ट आश्वासन दिले आहे. चौकशीनंतरच खरे चित्र समोर येईल असे त्यांनी सांगितले.
पुणे शिक्षक मतदारसंघातील वाढीव मतदान महायुतीचे उमेदवार सचिन सानप यांना विजयापर्यंत घेऊन जाईल आणि पदवीधर मतदारसंघातून महायुतीच्या उमेदवार स्मिता जाधव मोठ्या मताधिक्याने निवडून येतील, असा दावा उदय सामंत यांनी केला आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
