सोनम वांगचुक यांना पोलिसांनी जबरदस्तीने रुग्णालयात दाखल केल्यानंतर दिल्लीत अचानक तरुणांचा उद्रेक का झाला? संसदेच्या अधिवेशनाच्या पहिल्याच दिवशी जंतरमंतरवर असा एक चेहरा दिसला, ज्याने स्वतःचे सर्व स्टारडम बाजूला ठेवून थेट रस्त्यावरची लढाई सुरू केली आहे.
नेहमीच रोखठोक भूमिका घेणारे अभिनेते प्रकाश राज (Prakash Raj) यांनी चक्क दिल्लीतील कॉकरोच जनता पार्टीच्या (CJP) आंदोलनात उडी घेतली आहे. काल रात्रीपासूनच त्यांनी जंतरमंतरवर ठाण मांडले असून, आज एका ट्रकच्या छतावर उभं राहून त्यांनी सरकारविरोधात जोरदार रणशिंग फुंकले.
Prakash Raj on CJP Protest
सोनम वांगचुक यांचे आंदोलन मोडीत काढल्यानंतर CJP नेते अभिजीत दीपके यांनी उपोषण सुरू करत सरकारचा निषेध नोंदवला. या कारवाईमुळे संतप्त झालेले तरुण मोठ्या संख्येने जंतरमंतरवर धडकले आहेत.
त्यामुळेच तरुणांचा आवाज बनण्यासाठी प्रकाश राज तिथे पोहोचले. विशेष म्हणजे काल रात्री कोणताही बडेजाव न मिरवता, एका सामान्य नागरिकाप्रमाणे ते स्टेजवरच झोपले होते. आज सकाळी जेव्हा सोनम वांगचुक यांच्या पत्नी गीतांजली घटनास्थळी आल्या, तेव्हा परिस्थिती आणखी तापली.
तरुणांशी संवाद साधण्यासाठी गीतांजली एका ट्रकवर उभ्या राहिल्या. त्यांच्यासोबत प्रकाश राज यांनीही थेट ट्रकच्या छतावर चढून तरुणांना संबोधित केले. हातात भारताचे संविधान उंचावत प्रकाश राज यांनी अत्यंत आक्रमक शैलीत सरकारवर हल्लाबोल केला.
त्यांच्या या कृतीमुळे आणि खणखणीत भाषणामुळे आंदोलक तरुणांमध्ये एक वेगळाच जोश पाहायला मिळाला. एकीकडे दडपशाहीचा आरोप होत असताना, प्रकाश राज यांच्या उपस्थितीमुळे या आंदोलनाला आता वेगळेच बळ मिळाले आहे.
📌 महत्वाच्या बातम्या
- ‘आमचं सरकार जनतेने निवडलंय, ते कसं चालवायचं हे…..’; कंगना राणौत थेट विरोधकांवर कडाडली!
- “माझ्या हृदयाचे ठोके १० मिनिटांसाठी थांबले होते”; श्रेयस तळपदेने सांगितला थरारक अनुभव
- “सरकार पोरांना घाबरलंय, ’56 इंचवाल्यांची हातभर फाटली”; राऊतांचा मोदी सरकारवर हल्लाबोल
बातम्यांसाठी YouTube चॅनेल Subscribe करा
Subscribe Now
