PM Modi : रात्रंदिवस एक करून अभ्यास करायचा आणि ऐन परीक्षेच्या दिवशी पेपर फुटल्याची बातमी यायची. हे असं किती काळ चालणार? विद्यार्थ्यांच्या याच संतापाला आता थेट पंतप्रधान नरेंद्र मोदी यांनी साद घातली आहे.
सोशल मीडियावर नुकताच त्यांचा एक व्हिडिओ समोर आलाय. यात मोदींनी अतिशय आक्रमक पवित्रा घेतलाय. ‘विद्यार्थ्यांच्या भविष्याशी खेळणाऱ्या एकाही माफियाला आपण सोडणार नाही,’ असा सज्जड दमच त्यांनी भरलाय. नुकतंच संसदेत मंजूर झालेलं पेपरफुटीविरोधी विधेयक हे याच दिशेने टाकलेलं मोठं पाऊल असल्याचं ते म्हणाले.
PM Modi on Paper Leak
‘परीक्षा पद्धत भ्रष्ट करणाऱ्यांची आता खैर नाही’
गेली अनेक दशकं पेपरफुटीची कीड आपल्या देशाला पोखरतेय. राज्यांपासून ते केंद्रापर्यंत सगळेच याने त्रस्त आहेत. या सगळ्याचा फटका बसतो तो लाखो प्रामाणिक विद्यार्थ्यांना. त्यामुळेच परीक्षा व्यवस्थेत पारदर्शकता आणण्यासाठी आता थेट तंत्रज्ञानाचा हत्यार म्हणून वापर केला जाणार आहे, असं मोदींनी स्पष्ट केलं.
मोदींनी या व्हिडिओत अगदी स्पष्ट शब्दांत त्यांची भूमिका मांडली. ‘आम्ही एकामागून एक कठोर पावलं उचलतोय. फास्ट ट्रॅक यंत्रणा आणि नव्या टास्क फोर्सची स्थापना झालीय,’ असं ते म्हणाले. थोडक्यात सांगायचं तर, राज्यांशी समन्वय साधून एक ‘फुलप्रूफ’ सिस्टीम तयार करण्यावर केंद्राचा सध्या भर आहे.
संसदेच्या दोन्ही सभागृहांनी मंजूर केलेला नवा आणि अत्यंत कठोर कायदा याच साखळीचा एक महत्त्वाचा भाग आहे. दिलेला शब्द पाळल्याचं मोदींनी यावेळी आवर्जून सांगितलं. अर्थात, कायद्याने सगळं एका रात्रीत बदलेल असं नाही. पण सुधारणांचं हे सत्र इथून पुढेही सुरूच राहील, आणि परीक्षा पद्धत भ्रष्ट करणाऱ्यांची आता गय केली जाणार नाही, हे मात्र नक्की.
📌 महत्वाच्या बातम्या
- राज्यपालांच्या नावे बनावट शिक्के; मुंबईत VIP रेल्वे तिकीट घोटाळ्याचा पर्दाफाश, आंतरराज्यीय टोळी गजाआड
- नीट पेपरफुटी आंदोलन: जंतर मंतरवरील आंदोलकांवरील गुन्हे मागे; पण ‘या’ विद्यार्थ्यांची सुटका नाही!
- लाडक्या बहिणींना झटका; 3 पेक्षा जास्त मुलं असणाऱ्या महिलांना मोठा धक्का
बातम्यांसाठी YouTube चॅनेल Subscribe करा
Subscribe Now
