नवी दिल्ली, 6 ऑक्टोबर: आशियाई क्रीडा स्पर्धेत भारताविरुद्ध झालेल्या पराभवानंतर पाकिस्तान क्रिकेटमध्ये मोठे बदल करण्यात आले आहेत. पाकिस्तान क्रिकेट बोर्डाने आगामी श्रीलंका मालिकेसाठी टी-२० संघाचा नवा कर्णधार जाहीर केला असून, साहिबजादा फरहानकडे नेतृत्वाची जबाबदारी सोपवली आहे.
या निर्णयामुळे सलमान अली आगाला कर्णधारपदावरून हटवण्यात आले आहे. त्याला केवळ कर्णधारपदावरूनच काढले नाही, तर १५ सदस्यीय टी-२० संघातूनही डच्चू देण्यात आला आहे. मात्र, सलमानला एकदिवसीय (वनडे) संघात स्थान कायम ठेवण्यात यश आले आहे.
श्रीलंका मालिकेसाठी निवडण्यात आलेल्या या संघात काही नव्या चेहऱ्यांना संधी मिळाली आहे. रजाउल्लाह याला पहिल्यांदाच पाकिस्तानच्या आंतरराष्ट्रीय संघात बोलावणे आले आहे. तसेच, हसन नवाज आणि नसीम शाह यांनी टी-२० क्रिकेटमध्ये पुनरागमन केले असून, फखर जमान, सॅम अयुब आणि शादाब खान हेदेखील या संघाचा भाग आहेत.
पाकिस्तान आणि श्रीलंका यांच्यातील तीन सामन्यांच्या टी-२० मालिकेला ९ ऑक्टोबरपासून सुरुवात होणार आहे. या मालिकेतील सर्व सामने रावळपिंडी येथे खेळवले जातील. पहिला सामना ९ ऑक्टोबरला, दुसरा ११ ऑक्टोबरला आणि तिसरा सामना १३ ऑक्टोबरला रंगणार आहे.
📌 महत्वाच्या बातम्या
- सूर्यकुमार यादवला मुंबईच्या रणजी संघातून वगळले; सिद्धेश लाडकडे नेतृत्व
- मोदी मंत्रिमंडळात मोठ्या फेरबदलाचे संकेत; हरदीपसिंग पुरींसह दोन मंत्र्यांची गच्छंती, श्रीकांत शिंदेंना संधी?
- शरद लाड यांचा अर्ज ‘डमी’, भाजपमध्ये बंडखोरी नसल्याचा रवींद्र चव्हाणांचा दावा
Quick Answers
श्रीलंका मालिकेसाठी पाकिस्तानच्या टी-२० संघाच्या कर्णधारपदाची जबाबदारी साहिबजादा फरहानकडे सोपवण्यात आली आहे.
सलमान अली आगाला कर्णधारपदावरून आणि १५ सदस्यीय टी-२० संघातून वगळण्यात आले आहे. मात्र, त्याचे एकदिवसीय (वनडे) संघातील स्थान कायम ठेवण्यात आले आहे.
पाकिस्तान आणि श्रीलंका यांच्यातील तीन सामन्यांची टी-२० मालिका ९ ऑक्टोबरपासून रावळपिंडी येथे सुरू होणार आहे. या मालिकेतील सामने ९, ११ आणि १३ ऑक्टोबरला खेळवले जातील.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
