प्रतिनिधी, 12 ऑक्टोबर: ज्येष्ठ अभिनेते नाना पाटेकर यांचं वयाच्या ७५ व्या वर्षी हृदयविकाराच्या तीव्र झटक्याने निधन झाल्याने संपूर्ण मनोरंजन विश्वाला मोठा धक्का बसला आहे. गोव्यातील डोना पावला येथील त्यांच्या निवासस्थानी ही घटना घडली. निधनापूर्वी मध्यरात्री त्यांना अस्वस्थ वाटू लागल्याने त्यांनी आपल्या एका जवळच्या मित्राला मेसेज करून याबाबत कळवले होते. आता त्या रात्री नेमकं काय घडलं आणि तो मित्र कोण होता, याची सविस्तर माहिती समोर आली आहे.
मिळालेल्या माहितीनुसार, मध्यरात्री साधारण अडीच वाजताच्या सुमारास नानांची प्रकृती अचानक बिघडली. त्यावेळी त्यांनी त्यांचे जवळचे कौटुंबिक मित्र अमेय नाईक यांना मेसेज करून आपली तब्येत ठीक नसल्याचे सांगितले. मात्र, रात्रीची वेळ असल्याने अमेय यांना तो मेसेज लगेच पाहता आला नाही. जेव्हा त्यांनी हा मेसेज पाहिला, तेव्हा त्यांनी तातडीने नानांच्या निवासस्थानाकडे धाव घेतली, परंतु तोपर्यंत परिस्थिती गंभीर बनली होती.
मणिपाल रुग्णालयातील डॉ. शेखर साळकर यांनी या घटनेबाबत सविस्तर माहिती दिली. पहाटे चार वाजताच्या सुमारास अमेय नाईक नानांच्या घरी पोहोचले. त्यावेळी नानांना प्रचंड घाम फुटला होता आणि श्वास घेण्यास त्यांना खूप त्रास होत होता. परिस्थितीचे गांभीर्य ओळखून केअरटेकरच्या मदतीने तातडीने रुग्णवाहिका बोलावण्यात आली.
रुग्णालयात पोहोचल्यानंतर वैद्यकीय पथकाने नानांवर (Nana Patekar) तातडीने उपचार सुरू केले. त्यांना सीपीआरदेखील देण्यात आला. मात्र, डॉक्टरांचे शर्थीचे प्रयत्न निष्फळ ठरले आणि त्यांना वाचवण्यात यश आले नाही. ‘नटसम्राट’, ‘क्रांतिवीर’, ‘परिंदा’, ‘अब तक छप्पन’ आणि ‘वेलकम’ अशा गाजलेल्या चित्रपटांमधून मराठी आणि हिंदी चित्रपटसृष्टीत स्वतःचा वेगळा ठसा उमटवणाऱ्या नानांच्या जाण्याने त्यांचे कुटुंबीय आणि चाहते मोठ्या धक्क्यात आहेत.
📌 महत्वाच्या बातम्या
- राज्यात दसऱ्यानंतर परतीचा पाऊस; पंजाबराव डख यांनी जाहीर केली जिल्ह्यांची यादी
- तुकाराम मुंढे MPSC समितीचे सचिव; विद्यार्थ्यांच्या आंदोलनात शिवेंद्रराजेंची मोठी घोषणा
- इंदूरमध्ये टीम इंडियाचा वेस्ट इंडिजवर विजय; २२३ धावा करून कशी फिरवली मॅच?
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
