🕒 1 min read
फक्त दहावी पास आहात आणि सरकारी नोकरीचं स्वप्न पाहताय? मग ही बातमी तुमच्यासाठीच आहे. कारण, संरक्षण मंत्रालयाने (Ministry of Defence) नोकरीची मोठी जाहिरात प्रसिद्ध केली आहे. विशेष म्हणजे यासाठी कोणत्याही मोठ्या पदवीची गरज नसून, फक्त 10वी पास उमेदवारही अर्ज करू शकतात. पगार ऐकून तर तुम्हीही थक्क व्हाल!
जयपूर येथील ६१ व्या घोडदळ (61st Cavalry) विभागात ‘गट क’ (Group C) पदांसाठी ही भरती प्रक्रिया राबवली जात आहे. ‘एम्प्लॉयमेंट न्यूज’मध्ये याबाबतची सविस्तर माहिती देण्यात आली आहे. या भरतीअंतर्गत निवड होणाऱ्या उमेदवारांना सातव्या वेतन आयोगानुसार १८,००० ते ५६,९०० रुपये इतका जबरदस्त पगार मिळणार आहे. त्यामुळे सरकारी नोकरीच्या शोधात असलेल्या तरुणांसाठी ही मोठी पर्वणीच ठरणार आहे.
Ministry of Defence Recruitment
या भरतीसाठी उमेदवार कोणत्याही मान्यताप्राप्त बोर्डातून १०वी उत्तीर्ण असणे आवश्यक आहे. वयोमर्यादेबद्दल सांगायचं तर, EWS साठी १८ ते २५ वर्षे, OBC साठी १८ ते २८ वर्षे आणि ST प्रवर्गासाठी १८ ते ३० वर्षे अशी वयोमर्यादा निश्चित करण्यात आली आहे.
तुम्हाला वाटत असेल की मुलाखत होईल, पण तसं नाही. अर्जांची छाननी केल्यानंतर पात्र उमेदवारांना थेट ‘ऑफलाईन’ लेखी परीक्षेसाठी (Written Exam) बोलावलं जाईल. त्यानंतर वैद्यकीय चाचणी होईल. लक्षात ठेवा, अर्ज करण्याची पद्धत पूर्णपणे ऑफलाईन आहे. तुम्हाला A4 साईजच्या कागदावर विहित नमुन्यात अर्ज टाईप करून, आवश्यक कागदपत्रांसह तो जयपूर किंवा दिल्लीच्या पत्त्यावर पोस्टाने पाठवायचा आहे. जाहिरात प्रसिद्ध झाल्यापासून २१ दिवसांच्या आत हा अर्ज पोहोचणे आवश्यक आहे.
📌 महत्वाच्या बातम्या
- भारतावर दुहेरी संकट! अभिषेकनंतर आता ‘हा’ स्टार खेळाडू जखमी; वर्ल्ड कपमध्ये खळबळ
- रामदेव बाबांच्या कंपनीने मोडले सर्व रेकॉर्ड; ९ महिन्यातच कमावले 29 हजार कोटी!
- अभिषेक शर्मा हॉस्पिटलमधून घरी, पण प्लेइंग 11 मधून बाहेर? ‘हा’ स्फोटक खेळाडू घेणार जागा?
बातम्यांसाठी YouTube चॅनेल Subscribe करा
Subscribe Now
