🕒 1 min read
एका संकटातून सावरत नाही तोच दुसरं संकट समोर उभं ठाकलं, तर काय अवस्था होते? सध्या टी-20 वर्ल्ड कपमध्ये (T20 World Cup) टीम इंडियाची अवस्था काहीशी अशीच झाली आहे. कारण, नामिबियाविरुद्धच्या महत्त्वाच्या सामन्याआधीच भारताच्या गोटातून एक धक्कादायक बातमी समोर आली आहे. सलामीवीर अभिषेक शर्मा आजारी असतानाच आता यष्टीरक्षक फलंदाज ईशान किशन (Ishan Kishan) दुखापतग्रस्त झाल्याने सूर्यकुमार यादवच्या अडचणीत वाढ झाली आहे.
आज (१२ फेब्रुवारी) भारत आणि नामिबिया आमनेसामने येणार आहेत. या हाय-व्होल्टेज सामन्यापूर्वी सराव करताना ईशान किशनला दुखापत झाली. सरावादरम्यान जसप्रीत बुमराहचा (Jasprit Bumrah) एक वेगवान यॉर्कर थेट ईशानच्या डाव्या पायाच्या अंगठ्यावर आदळला. चेंडूचा वेग इतका होता की ईशान वेदनेने विव्हळताना दिसला. त्याला तात्काळ फिजिओंची मदत घ्यावी लागली.
Ishan Kishan Injury
सर्वात चिंतेची बाब म्हणजे, उपचारानंतर ईशानने पुन्हा सराव करण्याचा प्रयत्न केला, पण अवघ्या ५ मिनिटांतच त्याला सराव थांबवावा लागला. बीसीसीआयने (BCCI) याबाबत कोणतीही अधिकृत माहिती दिलेली नाही, पण मीडिया रिपोर्ट्सनुसार दुखापत गंभीर नसून तो ठीक आहे. तरीही, सामन्याच्या तोंडावर तो सराव सोडून गेल्याने चाहत्यांचा जीव टांगणीला लागला आहे.
दुसरीकडे, पोटाच्या संसर्गामुळे रुग्णालयात दाखल असलेल्या अभिषेक शर्माला (Abhishek Sharma) डिस्चार्ज मिळाला आहे. मात्र, “आजच्या मॅचमध्ये तो खेळणार की नाही, याचा निर्णय ऐनवेळी होईल,” असं तिलक वर्मानं स्पष्ट केलंय. पाकिस्तानने सलग दोन विजय मिळवून ग्रुपमध्ये अव्वल स्थान पटकावलं आहे. त्यामुळे भारताला पुन्हा टॉपवर जाण्यासाठी नामिबियाला हरवणं गरजेचं आहे, पण ओपनर्सच्या फिटनेसमुळे टीम इंडियाचं टेन्शन मात्र नक्कीच वाढलंय.
📌 महत्वाच्या बातम्या
- रामदेव बाबांच्या कंपनीने मोडले सर्व रेकॉर्ड; ९ महिन्यातच कमावले 29 हजार कोटी!
- अभिषेक शर्मा हॉस्पिटलमधून घरी, पण प्लेइंग 11 मधून बाहेर? ‘हा’ स्फोटक खेळाडू घेणार जागा?
- श्रेयस तळपदे अडचणीत, फसवणुकीचा गुन्हा दाखल; आता थेट अटक होणार?
बातम्यांसाठी YouTube चॅनेल Subscribe करा
Subscribe Now
