🕒 1 min read
बँकेत अधिकारी होऊन करिअर करण्याचं स्वप्न पाहताय? मग तुमच्यासाठी एक खूशखबर आहे. २०२६ च्या सुरुवातीलाच बँकिंग क्षेत्रात नोकरीची सुवर्णसंधी चालून आली आहे. सेंट्रल बँक ऑफ इंडियाने (Central Bank of India Bharti) ३५० जागांसाठी भरतीची घोषणा केली असून, अर्ज प्रक्रियाही वेगात सुरू झाली आहे. विशेष म्हणजे या भरती प्रक्रियेत उमेदवारांना परीक्षेबाबत एक मोठा दिलासा मिळाला आहे, जो तुमचं काम सोपं करू शकतो.
Central Bank of India Bharti 2026
सेंट्रल बँकेने मार्केटिंग ऑफिसर आणि फॉरेन एक्सचेंज ऑफिसर या दोन अत्यंत महत्त्वाच्या पदांसाठी अर्ज मागवले आहेत. यात मार्केटिंग ऑफिसरसाठी तब्बल ३०० जागा, तर फॉरेन एक्सचेंज ऑफिसरसाठी ५० जागा राखीव आहेत. त्यामुळे ज्यांच्याकडे मार्केटिंग किंवा फायनान्सचा अनुभव आहे, त्यांच्यासाठी ही लॉटरीच म्हणायला हवी. २० जानेवारी २०२६ पासून ऑनलाइन अर्जाची खिडकी उघडली आहे.
असं नाही की कोणीही उठून अर्ज करू शकेल. इथे बँकेने ‘क्वालिटी’वर भर दिलाय. फॉरेन एक्सचेंज ऑफिसर (Scale-III) व्हायचं असेल, तर तुमच्याकडे पदवीसोबतच CFA, CA किंवा MBA आणि ५ वर्षांचा अनुभव असणं गरजेचं आहे. दुसरीकडे, मार्केटिंग ऑफिसरसाठी MBA किंवा PGDBM आणि २ वर्षांचा अनुभव अनिवार्य आहे.
बऱ्याचदा बँक परीक्षांमध्ये ‘निगेटिव्ह मार्किंग’मुळे हुशार मुलांचेही मार्क कमी होतात. पण या भरतीत ‘निगेटिव्ह मार्किंग’ नाही! १०० मार्कांचे १०० प्रश्न असतील आणि चुकीच्या उत्तराला गुण कापले जाणार नाहीत. हा उमेदवारांसाठी खूप मोठा प्लस पॉईंट ठरू शकतो. परीक्षा ६० मिनिटांची असेल आणि ती पूर्णपणे ऑनलाइन होईल.
तेव्हा वेळ घालवू नका. सेंट्रल बँकेच्या अधिकृत साईटवर जाऊन लवकरात लवकर अर्ज भरा, कारण संधी एकदाच येते!
📌 महत्वाच्या बातम्या
- टी 20 वर्ल्ड कपच्या फायनलमध्ये कोण मारणार बाजी? मायकल क्लार्कची मोठी भविष्यवाणी; पाकिस्तानबद्दल म्हणाला…
- बांगलादेशचा भारताला ‘नकार’, पण ‘या’ संघाला लागणार लॉटरी! बीसीसीआयने दाखवला हिसका?
- भारतासाठी मोठी ‘गुड न्यूज’! डोनाल्ड ट्रम्प यांनी थेट सांगितला प्लॅन; मोदींबद्दल म्हणाले…
बातम्यांसाठी YouTube चॅनेल Subscribe करा
Subscribe Now
