ग्राहकांसाठी मोठी बातमी; सलग ४ दिवस बँका बंद राहणार? १० लाख कर्मचारी संपावर!

Over 10 lakh bank employees to go on strike on January 27 demanding a 5-day work week, causing a potential 4-day banking closure.

by Maharashtra Desha

Published On:

Jan 23, 2026 7:42 AM

Bank Strike News: बँका सलग ४ दिवस बंद राहणार? १० लाख कर्मचारी संपावर!

🕒 1 min read

तुम्ही अजून एटीएममधून (ATM) पैसे काढले नसतील, तर आताच काढून ठेवा. कारण पुढचे काही दिवस तुमची मोठी आर्थिक कोंडी होण्याची शक्यता आहे. “बँकेत आमचं महत्त्वाचं काम आहे”, असं म्हणून तुम्ही जर सोमवारी बँकेत जाण्याचा विचार करत असाल, तर हा प्लान रद्द करा. कारण देशभरातील बँक कर्मचाऱ्यांनी एल्गार पुकारला असून सरकारसोबतची चर्चा सपशेल फिस्कटली आहे.

Bank Strike News

बँक कर्मचाऱ्यांची ‘पाच दिवसांचा आठवडा’ (5-day work week) ही मागणी गेल्या अनेक वर्षांपासून प्रलंबित आहे. विशेष म्हणजे, दोन वर्षांपूर्वी सरकारने ही मागणी मान्य केली होती, पण त्याची अंमलबजावणी काही झाली नाही. याच मुद्द्यावरून आज कर्मचारी संघटना आणि सरकारमध्ये बैठक झाली, पण त्यातून काहीच निष्पन्न झालं नाही. त्यामुळे आता १० लाख बँक कर्मचारी आणि अधिकारी २७ जानेवारीला लाक्षणिक संपावर जात आहेत.

योगायोगाने सुट्ट्यांचा असा काही योग जुळून आलाय की सर्वसामान्यांचे हाल होणार आहेत. २४ आणि २५ जानेवारीला शनिवार-रविवारच्या सुट्ट्या आहेत, २६ जानेवारीला प्रजासत्ताक दिन आहे आणि लगेच २७ तारखेला हा Bank Strike असल्याने बँकांचे कामकाज सलग ४ दिवस ठप्प राहण्याची भीती आहे.

याबाबत बोलताना बँक कर्मचारी संघटनेचे नेते देविदास तुळजापूरकर यांनी सरकारवर सडकून टीका केली आहे. ते म्हणतात, “आरबीआय (RBI), एलआयसी आणि नाबार्डमध्ये ५ दिवसांचा आठवडा आहे, मग आम्ही काय घोडं मारलंय? सरकार फक्त आश्वासन देतंय, अंमलबजावणी करत नाही.”

तुळजापूरकर यांनी स्पष्ट केलं की, “आम्ही ग्राहकांची माफी मागतो, पण सरकारच्या आडमुठेपणामुळे आमचा नाईलाज झाला आहे.” त्यामुळे आता २७ तारखेला होणाऱ्या या संपाचा फटका कोट्यवधी रुपयांच्या व्यवहारांना बसणार, हे नक्की.