Manoj Jarange | टीम महाराष्ट्र देशा: महाराष्ट्रामध्ये मराठा समाज मनोज जरांगे यांच्या नेतृत्वाखाली आरक्षणासाठी लढत आहे. मनोज जरांगे यांनी राज्य सरकारला मराठा आरक्षणावर निर्णय घेण्यासाठी 24 डिसेंबर पर्यंत मुदत दिली आहे.
या मुदतीदरम्यान राज्य सरकार मराठा समाजाला आरक्षण देईल, असा विश्वास मनोज जरांगे (Manoj Jarange) यांनी व्यक्त केला आहे.
परंतु, यादरम्यान जर सरकारने मराठ्यांना आरक्षण दिलं नाही तर मोठं आंदोलन करू, असा इशारा देखील जरांगे (Manoj Jarange) यांनी राज्य सरकारला दिला आहे. याच पार्श्वभूमीवर मनोज जरांगे (Manoj Jarange) यांनी प्रतिक्रिया दिली आहे.
Manoj Jarange commented on Maratha reservation
आज प्रसार माध्यमांशी बातचीत करत असताना मनोज जरांगे (Manoj Jarange) म्हणाले, “24 डिसेंबर पर्यंत मराठा समाजाला आरक्षण नाही मिळालं तर आम्ही मुंबईमध्ये जाऊ आणि आम्ही आमच्या न्यायासाठी लढू.
राज्य सरकारने जर आम्हाला आरक्षण नाही दिलं तर 25 डिसेंबरला मराठा समाजाची बैठक होईल. पुढे काय करायचं? याबाबत या बैठकीत निर्णय होईल.
आम्ही अचानक मुंबईला जाणार नाही. राज्यातील मराठा समाजाचा विचार करून आम्ही पुढचा निर्णय घेऊ. 24 डिसेंबर पर्यंत सरकार काय करतं बघूया.”
पुढे बोलताना ते (Manoj Jarange) म्हणाले, “आतापर्यंत जे जे सत्तेत आले आहे, त्यांनी जाणून-बुजून षडयंत्र रचून मराठा समाजाचं हक्काचं आरक्षण दाबून ठेवलं.
70 वर्षापासून सगळे मराठा समाजाच्या लेकरांचं वाटोळ करत आहे. 70 वर्षापासून मराठा समाज ओबीसीत असताना त्यांना त्यांचं आरक्षण मिळालं नाही.
मराठ्यांचे पोरं मोठे होऊ द्यायचे नाही, असं सत्ताधाऱ्यांचं स्वप्नच होतं. मात्र, मराठा समाजाच्या आंदोलनामुळे सरकारला मराठ्यांना कुणबी प्रमाणपत्र द्यावं लागत आहे. त्यामुळे मराठा समाजामध्ये अत्यंत आनंदाचं वातावरण आहे.”
महत्वाच्या बातम्या
- Sanjay Raut | अद्वय हिरेंची अटक हे राजकीय दबाव तंत्र – संजय राऊत
- Zika Virus | नागरिकांनो सावधान! राज्यात आढळले 5 झिकाचे रुग्ण
- Uddhav Thackeray | महागाई वाढणार, असं सांगत मोदींनी दिवाळीच्या उत्साहावर विरजण टाकलं; ठाकरे गटाचं टीकास्त्र
- Amla Benefits | हिवाळ्यामध्ये आवळ्याचे सेवन केल्याने आरोग्याला मिळतात अनेक फायदे
- Manoj Jarange | आमच्या हक्काचं आरक्षण आम्ही सरकारच्या छाताडावर बसून घेणार – मनोज जरांगे
बातम्यांसाठी YouTube चॅनेल Subscribe करा
Subscribe Now
