गेल्या काही दिवसांपासून सातत्याने गगनाला भिडणाऱ्या सोन्या-चांदीच्या दरांना (Gold Rate Today) अचानक ब्रेक लागेल असं कोणाला वाटलं होतं का? पण आज सराफा बाजारातून ग्राहकांसाठी एक अत्यंत दिलासादायक बातमी समोर आली आहे.
आज १७ जून २०२६ रोजी सोन्या आणि चांदी या दोन्ही मौल्यवान धातूंच्या किमतीत मोठी घसरण झाली आहे. आंतरराष्ट्रीय घडामोडी आणि देशांतर्गत बाजारातील बदलत्या समीकरणांमुळे हा बदल पाहायला मिळत असून लग्नघाईत असणाऱ्या कुटुंबांना यामुळे मोठा आर्थिक दिलासा मिळाला आहे.
Gold Rate Today
सराफा बाजारातील ताज्या माहितीनुसार, आज सोन्याच्या दरात प्रति तोळा ४०० रुपयांची घट झाली आहे. काल म्हणजेच १६ जूनला १० ग्रॅम (१ तोळा) सोन्याचा भाव १,५०,४०० रुपये इतका होता. त्यात घट होऊन आज हा दर १,५०,००० रुपयांवर आला आहे. त्यानुसार १० तोळे सोनं खरेदी करण्यासाठी आता १५,००,००० रुपये मोजावे लागतील. दुसरीकडे, चांदीच्या भावात तर कमालीची घसरण झाली असून चांदीची चमक काहीशी कमी झाली आहे.
आज चांदीच्या दरात (Silver Price Drop) थेट ४ हजार रुपयांची मोठी घसरण नोंदवली गेली आहे. कालपर्यंत १ किलो चांदीचा दर २,५४,००० रुपये होता, तो आज थेट २,५०,००० रुपयांवर घसरला आहे. त्यामुळेच सोन्यासोबत चांदी खरेदी करणाऱ्यांच्या खिशाला लागणारी कात्री आता थोडी कमी होणार आहे.
गुड्स रिटर्न्स या अधिकृत संकेतस्थळानुसार, वेगवेगळ्या कॅरेटचा विचार केल्यास आज २४ कॅरेट सोन्याचा प्रति तोळा भाव १,५१,१०० रुपये आहे, तर १० तोळ्यासाठी १५,११,००० रुपये मोजावे लागतील. दागिने तयार करण्यासाठी वापरल्या जाणाऱ्या २२ कॅरेट सोन्याचा आजचा दर प्रति तोळा १,३८,५०० रुपये असून १० तोळ्याचा भाव १३,८५,००० रुपयांवर स्थिरावला आहे. दरातील ही घसरण पाहता आज सराफा दुकानांमध्ये ग्राहकांची गर्दी वाढण्याची शक्यता वर्तवली जात आहे.
📌 महत्वाच्या बातम्या
- PM Kisan Yojna: अखेर तारीख ठरली! २३ वा हप्ता खात्यात जमा होणार, पण ‘ही’ एक अट पूर्ण केलीय का?
- ठाकरे गटात खळबळ! भास्कर जाधवांचा थेट स्वपक्षाला ‘घरचा आहेर’, कारवाईची तयारी ठेवत मोठा गौप्यस्फोट
- संजय राऊतांच्या शेजारी बसलेला ‘तो’ खासदारही फुटणार? ‘ऑपरेशन टायगर’मध्ये सर्वात मोठा ट्विस्ट
