कोल्हापूर, 20 ऑक्टोबर: गोकुळ दूध संघाच्या निवडणुकीत महायुतीच्या पॅनेलचा १३-१२ असा पराभव करत सतेज पाटील यांनी वर्चस्व सिद्ध केले आहे. या निकालानंतर ‘एबीपी माझा’शी बोलताना त्यांनी महायुती आणि हसन मुश्रीफ यांचे गणित नेमके कुठे चुकले, यावर सविस्तर भाष्य केले. बहुमत आणि संख्याबळ असतानाही विरोधकांनी देवाची भीती घालून शपथेचे राजकारण केल्यानेच दूध उत्पादक शेतकऱ्यांनी त्यांना चोख उत्तर दिल्याचे पाटील यांनी म्हटले आहे.
कोल्हापूरच्या मातीतच लढण्याची ऊर्जा असल्याचे सांगत पाटील यांनी विरोधकांवर निशाणा साधला. “पाच वर्षे एकमेकांशी भांडून एकत्र का आलात आणि शपथा कोणासाठी घेता, असे अनेक प्रश्न मतदारांना पडले होते. शपथ पाळली नाही तर ब्रेनस्ट्रोक होईल, या पातळीवर राजकारण जाणे कोल्हापूरसाठी भूषणावह नाही,” अशी खंत त्यांनी व्यक्त केली. शपथेपेक्षा लोकांचे आयुष्य आणि अर्थकारण अधिक महत्त्वाचे असल्याचे त्यांनी स्पष्ट केले.
महायुतीच्या पराभवाचे प्रमुख कारण सांगताना पाटील म्हणाले की, गेल्या वर्ष-दीड वर्षात महायुतीच्या नेत्यांनी बॅनरची चर्चा, उमेदवारांची निवड, जागावाटप आणि अगदी चेअरमनही मुंबईतच ठरतील, असे वारंवार सांगितले होते. आमचा चेअरमन मुख्यमंत्री ठरवतील, असे खुद्द हसन मुश्रीफ म्हणाले होते. मात्र, कोल्हापूरकरांना हे नियंत्रण अजिबात पटले नाही आणि त्याचा मोठा फटका महायुतीला बसला.
निवडणूक चिन्ह मिळवण्यापासूनच आपल्याला त्रास झाला असून मतदानातही हस्तक्षेप करण्याचा प्रयत्न झाल्याचे पाटील यांनी सांगितले. मात्र, सुदैवाने प्रशासनातील पारदर्शकतेमुळे यश मिळाले. हा जिल्हा छत्रपती शिवाजी महाराज, शाहू महाराज आणि डॉ. बाबासाहेब आंबेडकरांच्या विचारांचा प्रभाव असलेला आहे. दूध उत्पादकांच्या हिताचा स्पष्ट अजेंडा घेऊन आपण लोकांसमोर गेलो, असे ते म्हणाले. “मी आणि मुश्रीफ २५ वर्षे सहकार आणि राजकारणात काम करत आहोत. आम्ही एकत्र असतानाचे आणि वेगळे असतानाचे अंदाज वेगवेगळे असतात. यावेळी गणित चुकणार आहे, हे मुश्रीफांना माहीत होते, पण ते काही करू शकत नव्हते,” असा दावाही त्यांनी केला.
दुसरीकडे, गोकुळच्या या निकालावर उदय सामंत यांनीही आपली प्रतिक्रिया व्यक्त केली आहे. ‘जेव्हा सत्तेचा अहंकार निर्माण होतो, तेव्हा गोकुळ होतं’, असा टोला सामंत यांनी जयकुमार गोरे यांना लगावला आहे.
📌 महत्वाच्या बातम्या
- ठाण्याच्या महापौरांच्या ड्रायव्हरची गुंडगिरी; पार्किंगच्या वादातून ‘एबीपी माझा’च्या कॅमेरामनला बेदम मारहाण
- ‘कोल्हापूरचं राजकारण बंटी पाटलांना विचारुन करायचं’; गोकुळ जिंकताच विश्वजीत कदमांचा नवा डायलॉग
- गोकुळच्या निकालानंतर सतेज पाटील यांची पहिली मोठी प्रतिक्रिया; म्हणाले, ‘देवाची भीती घालून शपथा…’
Quick Answers
सतेज पाटील यांनी गोकुळ दूध संघाच्या निवडणुकीत महायुतीच्या पॅनेलचा १३-१२ असा पराभव करून आपले वर्चस्व सिद्ध केले.
सतेज पाटील यांच्या म्हणण्यानुसार, बहुमत आणि संख्याबळ असतानाही विरोधकांनी देवाची भीती घालून शपथेचे राजकारण केले, त्यामुळेच दूध उत्पादक शेतकऱ्यांनी त्यांना चोख उत्तर दिले.
सतेज पाटील यांच्या मते, उमेदवारांची निवड, जागावाटप आणि चेअरमन मुंबईतच ठरतील, असा दावा महायुतीचे नेते करत होते; मात्र कोल्हापूरकरांना हे नियंत्रण अजिबात न पटल्यामुळे महायुतीला मोठा फटका बसला.
उदय सामंत यांनी 'जेव्हा सत्तेचा अहंकार निर्माण होतो, तेव्हा गोकुळ होतं' असा टोला जयकुमार गोरे यांना लगावला.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
