🕒 1 min read
रातोरात सोशल मीडियावर ‘नॅशनल क्रश’ बनल्यावर एखाद्या अभिनेत्रीचं आयुष्य पूर्णपणे बदलून जातं, असा तुमचाही समज आहे का? जर तुमचं उत्तर हो असेल, तर ही बातमी तुम्हाला नक्कीच विचार करायला लावेल.
एका पॉडकास्ट मुलाखतीमधील निळ्या साडीतल्या अगदी साध्या लूकने मराठमोळी अभिनेत्री गिरीजा ओकला (Girija Oak) इंटरनेटवर अक्षरशः धुमाकूळ घालायला लावला. पण आता याच बहुचर्चित ‘नॅशनल क्रश’ टॅगवरून बॉलीवूडची ‘क्वीन’ आणि खासदार कंगना राणौत (Kangana Ranaut) हिने थेट गिरीजालाच अशी एक विनंती केली आहे, ज्यामुळे मनोरंजन विश्वात पुन्हा एकदा चर्चांना उधाण आलं आहे.
Girija Oak National Crush
सध्या या दोघीही त्यांच्या आगामी ‘भारत भाग्य विधाता’ या नव्या चित्रपटाच्या प्रमोशनमध्ये प्रचंड व्यस्त आहेत. याच प्रमोशनदरम्यान नुकत्याच दिलेल्या एका मुलाखतीत कंगनाने अगदी न राहवून गिरीजाच्या त्या व्हायरल निळ्या साडीच्या ट्रेंडबद्दल कुतूहलाने विचारणा केली. “हे निळ्या साडीचं काय प्रकरण आहे? मीसुद्धा याबद्दल बरंच ऐकलंय,” असा थेट प्रश्न कंगनाने विचारला.
यावर उत्तर देताना गिरीजाने अतिशय प्रामाणिकपणे आपली बाजू मांडली. ती म्हणाली की, या व्हिडीओला लोकांनी इतकं शेअर केलं की सोशल मीडियावर अक्षरशः पावसासारखा तो पसरला. पण यामागे काहीच लॉजिक नव्हतं.
“माझं दिसणं ही माझी कोणतीही उपलब्धी किंवा यश नाही, तर ते मला माझ्या आई-वडिलांकडून मिळालंय,” असा मोठा गौप्यस्फोट करत तिने या नॅशनल क्रशच्या टॅगचं श्रेय घेण्यास चक्क नकार दिला.
तिचं हे उत्तर ऐकून कंगना राणौतने लागलीच हसत हसत एक प्रतिक्रिया दिली. “तू माझ्या चित्रपटात काम करतेयस याचा मला खूप आनंद आहे. त्यामुळे कृपया तुझ्या याच सौंदर्याचा वापर करून आपल्या चित्रपटाला प्रमोट कर,” असं कंगना मिश्किलपणे म्हणाली. यावर गिरीजालाही हसू आवरता आलं नाही.
‘नॅशनल होण्याचं प्रमाणपत्र कुठून मिळतं?’ असा उलट सवाल करत तिने कंगनालाच नॅशनल होणं कसं योग्य आहे, हे समजावून सांगितलं. दुसरीकडे, या ‘नॅशनल क्रश’ टॅगमुळे प्रत्यक्षात काहीही फायदा झाला नसल्याची धक्कादायक माहिती समोर आली आहे. एका जुन्या मुलाखतीत गिरीजाने स्पष्ट केलं होतं की, इतकं व्हायरल होऊनही तिला कामाच्या नव्या ऑफर्स आल्या नाहीत.
उलट, सोशल मीडियावर तिचे बनावट आणि एआय (AI) जनरेटेड फोटो व्हायरल झाल्याने तिला प्रचंड मनस्ताप सहन करावा लागला होता. त्यामुळेच सोशल मीडियाचं हे ‘व्हायरल’ जग जितकं सुंदर दिसतं, तितकंच ते आतून भयानक असू शकतं, हे पुन्हा एकदा समोर आलंय.
📌 महत्वाच्या बातम्या
- मान्सून लांबणीवर; हवामान विभागाची धक्कादायक माहिती अन् शेतकऱ्यांवर दुष्काळाची टांगती तलवार!
- रामदास आठवले यांचा मराठा आरक्षणावर मोठा गौप्यस्फोट; जरांगे पाटलांच्या मागणीवर थेट म्हणाले…
- रामदास आठवले यांची अजब मागणी; थेट ‘हातभट्टीची दारू’ अधिकृत करा, कारण ऐकून उडेल झोप!
बातम्यांसाठी YouTube चॅनेल Subscribe करा
Subscribe Now
