बिग बॉस मराठीच्या घरात आपल्या स्पष्टवक्तेपणाने सर्वांची मनं जिंकणारी अंकिता वालावलकर (Ankita Walawalkar) आता एका नव्या डिजिटल चळवळीवर थेट भिडली आहे, हे तुम्हाला माहितीये का?
देशात सध्या ‘कॉकरोच जनता पार्टी’ (CJP) या व्यंगात्मक डिजिटल चळवळीची जोरदार चर्चा सुरू आहे. बेरोजगारी, शिक्षण व्यवस्था आणि NEET पेपर लीक प्रकरणावरून थेट शिक्षणमंत्र्यांच्या राजीनाम्याची मागणी करत या चळवळीने तरुणाईला अक्षरशः वेड लावलंय.
Ankita Walawalkar On Cockroach Janata Party
पण आता याच बहुचर्चित सीजेपी ट्रेंडवर (Cockroach Janata Party) ‘कोकण हार्टेड गर्ल’ अंकिता वालावलकरने आपली रोखठोक भूमिका मांडत सगळ्यांनाच आश्चर्याचा धक्का दिला आहे. नुकत्याच ‘लोकमत फिल्मी’ला दिलेल्या एका मुलाखतीत अंकिताने या संपूर्ण मुद्यावर अत्यंत बेधडक उत्तर दिलं.
“माझ्याकडे माझा स्वतःचा आवाज आणि प्लॅटफॉर्म आहे. त्यामुळे सिस्टीमच्या विरोधात लढण्यासाठी मला अशा कोणत्याही वेगळ्या पार्टीत सहभागी होण्याची अजिबात गरज वाटत नाही,” अशी स्पष्ट भूमिका तिने घेतली. त्यामुळेच अंकिता या नव्या ट्रेंडपासून जाणीवपूर्वक दूर असल्याचं स्पष्ट झालंय.
दुसरीकडे, सीजेपीचे संस्थापक अभिजीत दीपके ६ जून रोजी भारतात परतणार असल्याची घोषणा त्यांनी केली आहे. त्यांनी सुरू केलेल्या ऑनलाइन याचिकेला आतापर्यंत ८ लाखांहून अधिक विद्यार्थ्यांचा पाठिंबा मिळाल्याचा दावा केला जातोय.
पण या वाढत्या ट्रेंडवर बोलताना अंकिताने तरुणांना सदसदविवेकबुद्धी वापरण्याचा मोलाचा सल्ला दिलाय. “डोळे झाकून कोणताही ट्रेंड फॉलो करणं योग्य नाही. यामागे नक्की काय राजकारण आहे, हे आपल्याला माहीत नसतं,” असा चिमटाही तिने काढला.
पुण्यातील कल्याणीनगर अपघात प्रकरणाचा दाखला देत अंकिताने आपली बाजू अधिक स्पष्ट केली. “पुण्याच्या केसमध्येही मी थेट सरकारला जाब विचारत कायद्याची मागणी केली होती. अन्यायाविरुद्ध लढण्यासाठी आपण स्वतःच उभं राहिलं पाहिजे,” असं ती ठामपणे म्हणाली. त्यामुळे आता अंकिताच्या या थेट आणि स्पष्ट प्रतिक्रियेवर सीजेपीचे समर्थक काय उत्तर देतात, याकडे संपूर्ण सोशल मीडियाचं लक्ष लागलं आहे.
📌 महत्वाच्या बातम्या
- शेतकरी कर्जमाफी: मंत्र्यांपासून २५ हजारांच्या पगारदारांपर्यंत ‘हे’ लोक ठरले अपात्र, तुमचा नंबर तर नाही ना?
- तेजश्री प्रधानच्या वाढदिवशी अंकुश चौधरीची खास पोस्ट; म्हणाला “आजही तितकीच हक्काची…”
- ‘नो स्टॉपिंग’ बोर्डाखालीच सत्तार आणि दानवेंचा गप्पांचा फड! सर्वसामान्यांना दंड, बड्या नेत्यांना मात्र सूट?
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
