🕒 1 min read
पुणे – हिंजवडी आयटी पार्क परिसरातील सतत वाढणारी वाहतूक कोंडी आणि पायाभूत सुविधांची कुचकामी अवस्था पाहता राज्याचे उपमुख्यमंत्री अजित पवार (Ajit Pawar) यांनी रविवारी पहाटेपासूनच ॲक्शन मोडमध्ये कामाला सुरुवात केली. सकाळी सहाच्या सुमारास ते स्वतः हिंजवडीत दाखल झाले आणि विविध प्रशासकीय अधिकाऱ्यांसोबत पाहणी दौरा केला.
Ajit Pawar visits Hinjewadi
या दौऱ्यात काही ठिकाणी नागरिकांनी सरकारी रस्त्यावर अतिक्रमण केल्याचे निदर्शनास आल्यानंतर अजित पवार यांनी संतप्त प्रतिक्रिया दिली. “सरकारी रस्त्यावर अडथळा करणाऱ्यांवर कलम 353 नुसार गुन्हे दाखल करा. कोणाचंही ऐकू नका. थेट उचला!” असा थेट आदेश त्यांनी (Ajit Pawar) अधिकाऱ्यांना दिला.
अजित पवार यांनी स्पष्ट निर्देश दिले की, खासगी जागा बाधित होत असल्यास त्यासाठी मोबदला देण्यात येईल. मात्र सरकारी मालकीच्या जागांबाबत कोणतीही समजूत न करता अतिक्रमण करणाऱ्यांना कडक कारवाईला सामोरे जावे लागेल. “सरकारी रस्त्यासाठी कुणालाही मोबदला नाही,” हे त्यांनी ठणकावून सांगितले.
वाहतूक कोंडीसारख्या दीर्घकालीन समस्येवर तोडगा काढताना अजित पवार यांनी रस्त्यांचे चौपदरीकरण करण्यावर भर देण्याचे आदेश दिले. “रस्ते छोटे ठेवू नका. मोठेच करा. फोर लेन रस्त्यांची कामं त्वरित सुरू करा,” अशी स्पष्ट सूचना त्यांनी (Ajit Pawar) दिली. या दौऱ्यानंतर प्रशासन हिंजवडीत ( Hinjawadi ) अतिक्रमण हटवण्याची मोहीम वेगात राबवली जाण्याची शक्यता आहे.
📌 महत्वाच्या बातम्या
- लोकसभेतील पराभवानंतर थेट राज्यसभेवर! उज्ज्वल निकम यांची राज्यसभेवर नियुक्ती
- शिक्षण अधिकारी शाळेत येऊन काय करतात ते सर्वांना माहित, शिक्षक भरतीसाठीही पैसे लागतात- नितीन गडकरी
- VIDEO- हायवेनंतर थेट मसनघाट! BJP नेत्याचे स्मशानभूमीत महिलेसोबत ‘कांड’
